थाहामा पिपिआर खोप अभियानको अनुगमन

थाहामा बाख्रालाई पिपिआर रोग विरुद्धको खोप लगाइने क्रममा  आज १२ सय बाख्रा,बोका खसीहरुलाई खोप लगाइएको छ । थाहाको वडा जनप्रतिनिधि हरुसंगको  सहकार्यमा बाख्राहरुलाई पिपिआरविरुद्धको खोप लगाइएको खोप कार्यक्रमका सहजकर्ता तथा थाहा नगरपालिकाका पशु प्राविधिक रुपेश कुमार मिश्रले जानकारी दिए। फागुन १६ गते बाट २२ गते सम्म खोप अभियान सञ्चालन हुने भएपनी आयको खोपको डोज नसकिय सम्म अभियानले निरन्तरता पाउने मिश्रले बताए।

प्रत्येक पालिकाको पशु शाखा तथा खोपकर्ताहरु परिचाल गरेर पशुसेवा कार्यालय मकवानपुरले  अभियानको रुपमा पिपिआर विरुद्धको खोप दिइरहेको छ। पिपिआर रोग लागेमा त्यसको औषधि नहुने र त्यो रोगबाट बचाउने एकमात्र उपाय खोप भएकाले पिपिआर विरुद्धको खोप अभियान सञ्चालन गर्न लागिएको हो ।

पिपिआर खोप अभियानको अनुगमन गर्न जिल्ला पशु कार्यालयका टोलि थाहा नगर आएका छन ।
पशु सेवा कार्यालय मकवानपुरका अधिकृत देब राज पराजुली अधिकृत प्रकाश खतिवडा र कार्यालयका प्राविधिक हरु बिनिता राई र संजाेग अर्याल भिमफेदी,इन्द्रसरोवर हुँदै थाहा नगर आइपुगेका हुन।
टोलिले अपुग डोज पुन उपलब्ध गराउने प्रतिवद्द्ता जनाएको खोप अभियानका सहजकर्ता तथा थाहा नगरपालिकाका पशु प्राविधिक मिश्रले जानकारी दिए।