थाहामा आन्तरिक राजस्वको कर शिक्षा

आन्तरिक राजस्व कार्यालय हेटौंडाको आयोजना र पालुङ बहुउद्देश्यीय सहकारी संस्थाको समन्वयमा थाहानगरका सहकारी संस्था, व्यवसायीका प्रतिनिधिहरुलाई आन्तरिक राजश्व कार्यालय हेटौडाका अधिकृतबाट कर शिक्षा कार्यक्रम सम्पन्न भएको छ ।

पालुङ बहुउद्देश्यीय सहकारीको सभाहलमा थाहा नगरपालिकाका प्रमुख बिष्णु बिष्टको प्रमुख आतिथ्यतामा सम्पन्न कार्यक्रममा नगर उपप्रमुख भरत गोपाली थाहानगर उद्योग वाणिज्य संघका सभापति पुरुषोत्तम ढकाल,पालुङ बहुउद्देश्यीय सहकारीका अध्यक्ष कृष्ण बहादुर बिष्ट लगायतका उपस्थिति रहेको थियो।

आन्तरिक राजस्व कार्यालयका प्रमुख कर अधिकृत तुलसी प्रसाद भट्टराईको अध्यक्षतामा सम्पन्न  कार्यक्रममा प्रमुख अतिथि थाहा नगरपालिका प्रमुख बिष्णु बहादुर बिष्टले सरकार सञ्चालनको मेरुदण्ड राजश्व नै रहेको हुँदा सबै व्यवसायीहरुलाई इमान्दारिताका साथ करको दायरमा आउन आग्रह गरे । कार्यक्रममा आन्तरिक राजश्व कार्यालयका कर अधिकृत गुणराज भण्डारी,कर अधिकृत प्रेम प्रसाद तिम्सिना,कर अधिकृत कमल प्रसाद अर्यालले  सहजीकरण गरेका थिए ।

कार्यक्रममा थाहा नगर उद्योग वाणिज्य संघका सभापति पुरुषोत्तम ढकाल, पालुङ बहुउद्देश्यीय सहकारी संस्थाका उपाध्यक्ष अरुण रायमाझीलगायतले मन्तव्य राखेका थिए ।

कार्यक्रममा सहभागी करदाताहरुले नेपालको कर प्रणालीमा रहेका जटिलताको अन्त्यका लागि नीतिगत सुधार गर्दै अध्याधुनिक करप्रणालीमा देखिएका जटिलताको सहज समाधानको व्यवस्था गर्न माग गरेका थिए भने थाहा नगरमै कर सेवा कार्यालयको व्यवस्था हुनुपर्नेमा जोड दिएका थिए।
सरकारको राजस्व बढाउने र व्यवसायीलाई करको दायरमा ल्याउन, समयमै नवीकरण गर्ने उद्देश्यले कर शिक्षा दिन थालिएको आन्तरिक राजस्व कार्यालय हेटौंडाका प्रमुख कर अधिकृत तुलसी प्रसाद भट्टराईले बताए।