थाहानगरभित्र संघीय सरकारको बजेट कहाँ–कहाँ प¥यो ? (सूचीसहित)

गत जेठ १५ गते संघीय सरकारका अर्थमन्त्रीले प्रस्तुत गरेको बजेटमा थाहानगरपालिकाको लागि कुन कुन क्षेत्रमा बजेट समावेश भयो ? यो प्रश्न थाहा नगरबासीका लागि सर्वत्र चासो भइरहेको बेला यही क्षेत्रका संघीय साँसद विरोध खतिवडाले यसबारे जानकारी गराएका छन् ।

अर्थमन्त्रीको बजेटमा एकमुष्ठ बजेट आउने हुँदा क्षेत्र, शीर्षक र योजनागत रुपमा आउने बजेटको बारेमा साँसदहरुलाई केही पछि मात्र जानकारीमा आउँछ । सोही बमोजिम साँसद खतिवडाले थाहानगरका लागि केन्द्रबाटै संचालन हुने ठूला र महत्वपूर्ण योजनाको बारेमा जानकारी गराएका हुन् । 

साँसद खतिवडाका अनुसार थाहा नगरअन्तर्गतका सुरुङ मार्ग, सडक, पुल, खानेपानी, स्वास्थ्य लगायतका योजनाहरु राष्ट्रिय योजनामा समावेश भएका छन् । तीमध्ये मुख्य योजनाहरु यी हुन् :
थाहानगर वृहद खानेपानी योजना  –२ करोड
ढोक्चा–तसरखोला पक्की पुल –४७ लाख ५० हजार
दामन–डाँडाबास सडक दम्की महाभीरखोला पुल ––४७ लाख ५० हजार
थाहा–३ घर्तिखोला भुङ्दल पुल –८० लाख
चित्लाङ–थानकोट सडक–१५ करोड
एक सहर– एक पहिचान कार्यक्रम–५० लाख
थाहा पर्यटन सूचना पार्क–५० लाख
त्रिभुवन राजपथ मर्मत तथा पीच –१४ करोड ८० लाख
तरकारी जोन, फलफूल, कृषि र पसु विकास–९१ लाख

साँसद खतिवडाले थाहानगरमा संघीय सरकारले विगतमा संचालन गरेका कार्यक्रमहरुलाई निरन्तरता दिनुका साथै ससाना योजनाहरुमा समेत बजेट विनियोजिन गरेको बताए । कतिपय योजनाहरुको नाम उल्लेख भए पनि बजेट एकीन नभएकोले यसको सुनिश्चितताको लागि आफू लागि परेको उनले जानकारी दिए ।