थाहाको संस्कृतिले पर्यटन प्रबर्द्धनमा सहयोग पुग्छ:नगर प्रमुख बिष्ट

थाहा नगरपालिकाको संस्कृतिले सांस्कृतिक सद्भाव कायम राख्दै नगरपालिकाको पर्यटनलाई समेत प्रवर्द्धनमा सहयोग पुग्ने थाहा नगरपालिकाका प्रमुख बिष्णु बिष्टले बताउनुभयको छ।आज थाहा नगरपालिकाको वडा न ६ मा आयोजित नेपाल संवत् ११४३ को शुभकामना आदानप्रदान कार्यक्रम लाई सम्बोधन गर्दै प्रमुख बिष्टले सोकुरा बताउनुभएको हो।बिष्टले थाहा नगरका नेवार समुदायले आफ्नो परम्परा र रितिरिवाजको संरक्षणमा पुर्यायको योगदानको चर्चा गर्दै संस्कृति संरक्षणमा नगरपालिकाको साथ र सहयोग हमेसा रहने बताउनुभयो। नेपाल संवत् ११३७ देखि निरन्तर रुपमा बज्रवाराहिमा नेपाल संवत् मनाउने गरियको छ तेस्को लागि हरेक बर्ष एक जना संयोजक तोकिने गरेको पुर्व भिन्तुना संयोजक प्रमोद कृष्ण जोशीले बताउनुभयो ।कुलगाउँका भट्ट गोपाली संयोजक रहेको नयाँ बर्ष ११४३ को शुभकामना आदानप्रदान कार्यक्रममा नेपाल संवत् ११४२ का संयोजक राजभाइ श्रेष्ठको सभापतित्वमा कार्यक्रम आयोजना गरियको थियो। कार्यक्रममा नगर प्रमुख बिष्णु बिष्ट ,जिसस सदस्य सुवर्ण गोपाली,निवर्तमान जिसस सदस्य चित्र बहादुर बलामी,वडा अध्यक्ष हरु १ का हेरमान गोपाली,६ का राजेन्द्र भक्त श्रेष्ठ ,का साथै स्थानिय नेवार समुदायका गुरुहरु,धिमे बाजा समूह,महिला बासुरी समूह,थहचोक,पापुङ,लीलाखेल,ईकुण्डोल,कुन्छाल,र कुलगाउँका नेवारी समुदायहरुको उल्लेख्य सहभागिता रहेको थियो। अहिले सम्म ११३७ देखि ११४३ सम्म क्रमस: इन्द्र बहादुर श्रेष्ठ ,बिष्णु बहादुर गोपाली,प्रमोदकृष्ण जोशी ,सानुकाजी गोपाली ,बिष्णु बहादुर बलामी,राजभाइ श्रेष्ठ ,भट्ट बलामी संयोजक रहेर नयाँ बर्ष मनाइयको आयोजकले जनायको छ।