थाहाको मत्स्यनारायण माबिले सुरु गर्यो पठनपाठन

विद्यालय शिक्षा ऐन जारी गर्न माग गर्दै काठमाडौंमा जारी शिक्षक आन्दोलनले सामुदायिक विद्यालयमा गम्भीर असर पारेपछि थाहा नगरपालिका वडा न २ मा रहेको मत्स्यनारायण माध्यमिक विद्यालयले आज बाट भर्ना अभियान सहित पठन पाठन सुरु गरेको छ।
भर्ना अभियान सहित पठनपाठन सुरु गरेको जानकारी दिदै विद्यालय व्यवस्थापन समितिका अध्यक्ष युवराज बिष्टले भने आन्दोलनले शैक्षिक गतिविधि पूर्ण रूपमा ठप्प छन्, स्थानीय तहले विकल्प दिन सकेका छैनन्,’ उनले भने, ‘आर्थिक रूपमा सम्पन्नले निजी स्कूलमा बालबालिका पढाउलान्, तर गरिबका छोराछोरीको शिक्षामा ठूलो असर पार्ने भएकोले अभिभावक हरुको आग्रहमा विद्यालय संचालन गरिएको हो।"
उनले शिक्षकहरुको आन्दोलन प्रती ऐक्यबद्धता जनाउदै  माग जायज भए पनि विकल्पविना आन्दोलनले विद्यार्थीको भविष्य जोखिममा भएकोले अभिभावक शिक्षक हरुसंगको समन्वयमा विद्यालय संचालन गरिएको बताए।
अध्यक्ष बिष्टले अभिभावकले आफ्ना बालबालिकालाई निजी विद्यालयमा भर्ना गर्ने कि स्कुल खुलाउने? भनेपछी विद्यार्थीको भविष्यको लागि सबैको सहमतिमा विद्यालय खुलाउनेमा पुगेको बताए। उनले “आन्दोलन लम्बिंदै गएमा यसै पनि विद्यार्थी घट्दो क्रममा रहेको स्थितिमा पछि विद्यार्थी नै नपाउने हो कि भन्ने चिन्ता थपिएको जानकारी दिए।
२०८१ को कक्षा ८ को परिक्षामा सामुदायिक विद्यालयको तर्फबाट सतप्रतिशत नतिजा निकाल्न सफल यस विद्यालयमा कक्षा नर्सरी देखि कक्षा २ सम्म अंग्रेजी माध्यममा पठनपाठन हुँदै आइरहेको छ।