थाहाको पशु शाखाद्वारा विश्व पशुपंछी दिवसको अवसरमा पशु फार्मलाई निशुल्क पौष्टिक आहार प्रदान ।

"साना ठुला जनावर,माया गरौं बराबर" भन्ने मुल नाराका साथ थाहा  नगरपालिकाको पशु शाखाले  विश्व पशुपंछि दिवस मनाईएकाे छ।

थाहा नगरपालिका भित्र रहेका विभिन्न पशु फाममा रहेका पशु चाैपायालाई पाैष्टिक आहार व्यवस्थापन गरि विश्व पशुपंछि दिवस मनाईएकाे हाे।

पशु मानवविचकाे अन्याेआश्रित सम्बन्ध छ।तरपनि पशु अधिकारमा मान्छे चुकिरहेकाले पशु प्रती देखाउने हाम्रो व्यवहारमा परिवर्तन ल्याउनुपर्ने थाहा नगरपालिकाका कृषि तथा पशु शाखाका प्रमुख संजय तिवारीले बताए।

विश्व भरिनै १९७१देखिनै पशुपंछि दिवस मनाईन्छ।नेपालपनि सदस्य राष्ट्र भएका कारण याे दिवस नेपालमा पनि मनाईने गरेको प्रमुख तिवारीले जनाए।स्थानीय सरकारले पशुपंछि कुषि क्षेत्रमा लगानि गरेपनि प्रतिफल सकारात्मक नआउनु दुखत रहेकाे उनले दुखेसाे गरे।

थाहा नगरपालिकाका पशु प्राविधिक रुपेश कुमार मिश्रले पशुपंछि प्रती निर्दयी व्यवहार नगरियाेस,पशु कल्याणकारी कार्यमा सवैकाे ध्यानाकर्षण हाेस भन्ने भावना जागृत गरि पशु अधिकारकाे सुनिश्चितताका लागि पशुपंछि दिवस मनाईएकाे वताए।
उनलेभने पशु पंछिले उपचार पाउनुपर्छ,पशु पंछिले आपनाे व्यवहार वानि प्रदर्सन गर्न पाउनुपर्छ,उचित आहार पाउनु पर्छ र उनिहरूले उचित वासस्थानकाे व्यवस्था पाउनुपर्ने पशु अधिकार भित्र पर्दछ।

सवैकाे सहयाेग सहकार्य सकारात्मक साेचवाट मान्छेमा व्यापक जनचेतना जागृत गरि पशुपंछिकाे संरक्षण सवैले जुट्नु पर्ने वडा न ३ का अध्यक्ष हिरेन्द्र कुमार रायमाझीको भनाइ छ।
दिवसको अवसरमा मन्जिल कृषि तथा पशुपंछी फाम,डाडाघरे बाको कृषि तथा पशुपंछी फार्म,लामिछाने गाई तथा कृषि फार्म,र पिपि कृषि तथा पशुपंछी फार्मलाई निशुल्क पौष्टिक आहार उपलब्ध गराएको हो।