थाहाको दुई वडामा मनोसामाजिक समस्या सम्बन्धि अभिमुखिकरण सम्पन्न ।

महिला बिकास कार्यालयको सहयोगमा २०६७ साल देखि बिधिवत रुपमा घरेलु हिंसा पिडित महिलाहरुको न्याय तथा मेलमिलाप र थाहा नगरपालिका बनेपछि नगरको सहयोगमा किशोरी लक्षित मनोसामाजिक परामर्श कार्यक्रम संचालन गर्दै आइरहेको लालीगुराँस महिला बहुउद्देश्यीय सहकारी संस्थाले असार १३ गते थाहाको दुई वडामा लागुपदार्थ दुर्व्यसनी,लैङ्िगक हिंसा तथा मनोसामाजिक समस्या समाधान सम्बन्धि अभिमुखिकरण कार्यक्रम सम्पन्न गरेको छ।
थाहाको वडा न ४ को कार्यालय तथा वडा न २ को कार्यालयमा छुट्टाछुट्टै कार्यक्रम गरेको हो।
कार्यक्रममा वडाका महिला,विद्यार्थी तथा किशोर किशोरी हरुलाइ ईलाका प्रहरी कार्यालय पालुङका प्रमुख दुर्गा खनाल तथा थाहा नगरपालिका सामी कार्यक्रमका मनोपरामर्शदाता सुनिता बस्नेतले सहजीकरण गरेका थिए ।

अभिमुखिकरण कार्यक्रममा चार न वडामा अध्यक्ष नारायण लामाको अध्यक्षता तथा सामुदायिक क्याम्पस संघका केन्द्रिय कोषाध्यक्ष राजन मिश्रको प्रमुख आतिथ्यता रहेको र ६० जनाको सहभागिता रहेको र २ न वडामा पनि उल्लेख्य रुपमा सहभागिता रहेको आयोजक संस्थाकी अध्यक्ष रिता प्रधानले जानकारी दिनुभयो भने वडा न २ मा अध्यक्ष बम बहादुर सिङ्तानको अध्यक्षता रहेको थियो।
थाहा नगरपालिकाको वडा न १ ओखरबजारमा अवस्थित लालीगुराँस महिला बहुउद्देश्यीय सहकारी संस्थाले किशोर किशोरीमा बढ्दै गैरहेको आत्महत्या ,लागुपदार्थ दुर्व्यसनी ,महिला 

हिंसा,बालबिबाह,अन्त्यको लागि विभिन्न अन्तरक्रिया ,गोष्ठी ,तथा चेतनामूलक कार्यक्रमलाई जोड दिदै आइरहेको संस्थाकी अध्यक्ष रिता प्रधानले बताइन।
संस्थाले गर्ने कार्यक्रममा ईलाका प्रहरी कार्यालय पालुङले लैङ्िगक हिंसा,लागुपदार्थ ओसार पसार र दुर्व्यसन,बालबिवाह सम्बन्धि बिषयमा सहजीकरण गर्दै आइरहेको छ।