थाहाको थानाबजारमा व्यायाम केन्द्र,बैशाख १ गते बाट संचालनमा आउने।

स्थानीयको माग र नागरिकको स्वास्थ्यलाई मध्यनजर गर्दै थाहा नगरपालिकाको आर्थिक सहयोगमा बुद्ध चोक बजार व्यवस्थापन समिती थानाबजारले बजारमा व्यायामका उपकरणको व्यवस्था गरेको छ ।
थाहा नगरपालिकाको २ लाख ५० हजार र बाकी बजार व्यवस्थापन समितिले खर्च गरेर व्यायाम गर्नको लागि एक सेट ट्रेडमिल,एक सेट व्यायाम साइकल र एक सेट जिम स्टेसन राखिएको बजार व्यवस्थापन समितिका सचिव रविन प्रधानले जानकारी दिए।
नयाँ बर्ष २०८१ को पहिलो दिनबाट व्यायाम केन्द्र सबैको लागि  खोल्ने समितिका अध्यक्ष रामबहादुर केसीले जानकारी दिए।
यसै बिच थाहा नगरपालिकाका प्रमुख बिष्णु बिष्टले व्यायाम केन्द्रको अवलोकन अनुगमन गर्नुभएको छ।
थाहा नगरपालिका सामाजिक विकास शाखा प्रमुख अनिल लामिछाने सहित अनुगमन गर्न पुग्नुभएका प्रमुख बिष्टले ‘सर्वसाधारणले बिहान र बेलुकी शारीरिक व्यायाम गर्दा स्वास्थ्यका लागि फाइदा देखिने भएकाले यसमा नगरले चासो दिएको छ ।’ उनले बिस्तारै सबै वडा र सार्वजनिक स्थानमा  सर्वसाधारणलाई व्यायाम गर्न मिल्ने गरी उपकरण राखिने जानकारी दिए । उनले भने शरीर स्वस्थ राख्न व्यायामको आवश्यकता हुने भएकाले हामीले ठाउँ–ठाउँमा व्यायाम गर्न मिल्ने उपकरण राख्दै जाने योजना आगामी आर्थिक बर्षको बजेट तथा कार्यक्रम मार्फत सम्बोधन गर्दै जाने बताउनुभयो ।