थाहाको कुन्छाल र इन्द्रायणी बस्तीमा ऐतिहासिक १२ बर्षे नाच देखाइयो(फोटो फिचर)

थाहा नगरपालिकाको वडा न १ कुन्छाल गाउँ र वडा न २ को पालुङ इन्द्रायणी बस्तिमा मनाइने १२ बर्षको नाचको समापन गरिएको छ।
प्रत्येक १२ बर्षमा देखाइने नाच २०७९ देखि सुरु गरि २०८१ बैशाख १५ गते समापन गरिएको हो।
नाचमा,विभिन्न,देवी,देवताहरु  गणेश,सातकन्या,सेतीदेवी,बज्रवाराही,पाँच कन्या,भैरव,चुनी,सिकारी,महादेव,पार्वती,गंगा लगायतका देवदेवीहरुको नाच र तानसेन र चन्द्रसेनको कथामा आधारित नाटक देखाइने कुन्छालका मुल गुरु ज्वारीलाल गोपालीले बताए।
यता थाहा नगरपालिका २ श्री ईन्द्रायणी बस्ती  देउला टोलमा  लोप हुँदै गएको ऐतिहासिक अर्चुरो र बन्यो  राजा को कथा मा आभारित १२ बर्ष को नाच  २९ बर्ष पछि देखाइएको छ।
मुल गुरु साहिला देउलाका अनुसार २९ बर्ष पछि पालुङको देउला बस्तिमा नाच देखाइएको हो। 
१२ बर्ष ऐतिहासिक नाच संचालन समितिका अध्यक्ष सानुकान्छा  देउलाका अनुसार २०७९ कार्तिक १९ गते देखि देखाउन सुरु भएको नाच ११ खट सम्म सफलता पुर्वक सम्पन्न गरि १२ खट तिथि अनुसार सकाउनु पर्ने भएको ले तिथि हेराउदा मिति २०८१ बैशाख १५ गते सम्म मात्र जुर्न गएको हुदा टोल सबै को सल्लाह ले २०८१ बैशाख १३ गते देखि सुरु गरि १५ गते श्री ईन्द्रायणी मन्दिरमा साङगे गरि श्री ईन्द्रायणी माई को मन्दिर मा लगेर सकाउने निर्णय गरिएको थियो।  
सोही अनुरुप विधि बिधान अनुसार १२ बर्ष नाचको समापन गरिएको हो।
नाचमा प्रत्यक खटमा विभिन्न देवी देवता सिद्धि गणेश, बाल कुमारी ,इन्र्द्रयणी , बज्रबाराही ,रक्षा काली, वन देवि ,महा भौरव लगाएतका देवदेवीहरुको पुजाआजा                                             सहित नाच देखाइन्छ।