थाहाका सामुदायिक बनका पदाधिकारी हरुलाई लेखा व्यवस्थापन तालिम

सामुदायिक बन उपभोक्ता महासंघ थाहा नगरपालिकाको आयोजना तथा थाहा नगरपालिकाको सहयोगमा थाहा नगर भित्र रहेका  सामुदायिक वन उपभोक्ता समूहका पदाधिकारीहरूलाई अभिलेख तथा लेखा व्यवस्थापनसम्बन्धी दुईदिने तालिम शुक्रबार बाट थानाबजार स्थित गंगा होटलमा सुरु भएको छ ।
 सामुदायिक वन उपभोक्ता महासंघ थाहा नगरका अध्यक्ष गणेशमान श्रेष्ठको अध्यक्षता तथा थाहा नगरपालिकाको कार्यपालिका सदस्य अनिता बलको  प्रमुख आतिथ्यता तथा महासंघका जिल्ला अध्यक्ष सादुराम चौलागाईं,जिल्ला कोषाध्यक्ष बलराम अधिकारी,महासंघ थाहा नगरपालिकाका सूचना अधिकारी कुमार नेगी,थाहा नगरपालिकाका प्रेस संयोजक शम्भु अधिकारीको आतिथ्यतामा सुरु  भएको तालिममा वन व्यवस्थापनअन्तर्गत सामुदायिक वन अभिलेख तथा लेखापरिक्षण व्यवस्थापन, प्रस्ताव एवं निर्णयहरू लेख्नेका साथै वन व्यवस्थापन, वैज्ञानिक वन ब्यवस्थापन, समूहमा सामूहिक भावना र सहकार्यमा टेवा पु¥याउने, समूहमा हुने क्रियाकलाप तथा ति क्रियाकलाप कार्य गर्न खर्च भएको रकमको व्यवस्थित लेखा राख्न सहजीकरण गरी स्रोत साधनको दिगो उपयोग गर्न सहयोग गर्ने आर्थिक पारदर्शी र सुशासन सम्बन्धी, समूहले कति प्रयोग गर्ने र राज्यलाई कति प्रतिशत दिने भन्ने विषयवस्तुको बारेमा प्रशिक्षण दिइने छ।
तालिमलाई महासंघका जिल्ला कोषाध्यक्ष बलराम अधिकारी र लेखापरीक्षक टंक उपाध्यायले सहजीकरण गरिरहेका छन।