थाहाका सहकारी हरुलाई लेखा व्यवस्थापन तालिम सम्पन्न

थाहा नगरपालिकाको सहकारी शाखाको  आयोजनामा सहकारी हरुलाइ लेखा व्यवस्थापन तालीम सम्पन्न भएको छ | 
थाहा नगरपालिका मातहतका सहकारी संस्था हरुलाई दुई दिने लेखा व्यवस्थापन तालिम सम्पन्न भएको हो।

साहारा रिसोर्टको सभाहलमा संचालन भएको उक्त तालीम कार्यक्रम असार ४ देखि ५ गतेसम्म  सम्म सञ्चालन भएको थियो ।
तालीमको समापन समारोह थाहा नगरपालिका प्रशासन महाशाखाका प्रमुख अजित घिमिरेको सभापतित्व तथा नगर उपप्रमुख भरत गोपालीको प्रमुख आतिथ्यमा रहेको थियो।
तालीमको सहजीकरण पालुङ क्याम्पसका क्याम्पस प्रमुख राजन मिश्र,पालुङ बहुउद्देश्यीय सहकारी संस्थाका व्यवस्थापक प्रकाश पौडेल ,थाहा नगरपालिकाका लेखा शाखा प्रमुख हरी बहादुर खपाङ्गी र प्रमुख प्रशासकीय अधिकृत कृष्ण गिरीले  गर्नुभएको थियो।

तालिममा नगर भित्र संचालनमा रहेका ३० ओटा सहकारी संस्थाहरुको सहभागिता रहेको सहकारी शाखा प्रमुख उमेश श्रेष्ठले जानकारी दिए।
 समापन समारोहमा बोल्दै उपप्रमुख भरत गोपालीले दुईदिने तालिम उपलब्धिमूलक भएको विश्वास व्यक्त गर्दै, केही सहकारीका कारण जनविश्वास घट्दै गएको बताउनुभयो । तालिममा सिकेको सीपलाई व्यवहारमा उतार्न उपप्रमुख गोपालीले आग्रह गर्नुभयो ।