थाहाका सहकारीका व्यवस्थापकहरुको निम्ति चार दिने तालिम सुरु,

थाहा नगरपालिकाको सहकारी शाखाको  आयोजनामा नगर भित्र रहेका सहकारीहरुका  व्यवस्थापक हरुका लागि बित्तीय साक्षरता,सहकारी शिक्षा र कर प्रशासन सम्बन्धि ४ दिने तालीम सुरु भएको छ | 
थाहा नगरपालिका मातहतका सहकारी संस्था हरुका व्यवस्थापक हरुको निम्ति चार  दिने  तालिम सुरु  भएको हो।

गंगा होटेलको  सभाहलमा सुरु भएको उक्त तालीम कार्यक्रम पौष १७ गते देखि २० गतेसम्म  सम्म सञ्चालन हुने छ।
तालीमको उद्घाटन  समारोह थाहा नगरपालिका को आर्थिक बिकास समिती संयोजक हेरमान गोपालीको  सभापतित्व तथा थाहा नगरका प्रमुख प्रशासकीय अधिकृत कृष्ण गिरीको प्रमुख आतिथ्यता रहेको रहेको थियो भने कार्यक्रममा नगरका लेखा अधिकृत अमर बहादुर जिसी,कृषि शाखाका अधिकृत सन्जय तिवारी ,को उपस्थिति रहेको थियो ।
तालीमको सहजीकरण पालुङ क्याम्पसका क्याम्पस प्रमुख राजन मिश्र,पालुङ बहुउद्देश्यीय सहकारी संस्थाका व्यवस्थापक प्रकाश पौडेल ,थाहा नगरपालिकाका लेखा शाखा प्रमुख अमर बहादुर जिसी ,बित्तिय सहजकर्ता मेलिना खत्री  र प्रमुख प्रशासकीय अधिकृत कृष्ण गिरीले गर्नुहुने छ।

तालिममा नगर भित्र संचालनमा रहेका ४० ओटा सहकारी संस्थाहरुको व्यवस्थापक हरुको सहभागिता रहेको सहकारी शाखा प्रमुख अस्मिता तिवारी घिमिरेले  जानकारी दिइन।
 समापन उद्घाटन समारोहमा बोल्दै प्रमुख प्रशासकीय अधिकृत कृष्ण गिरीले चारदिने तालिम उपलब्धिमूलक हुने विश्वास व्यक्त गर्दै, केही सहकारीका कारण जनविश्वास घट्दै गएको बताउनुभयो वहाँले सहकारीको नियमन कमजोर हुँदा समस्या रहेको औल्याउँदै सहकारीका संचालक हरुलाइ नै  लगानी कहाँ गर्नुपर्छ थाहा नभएको बताउदै लगानी फस्ने समस्या आम जनतामा परेको हुँदा सहकारी हरुलाई 
पारदर्शी बनाउदै बिश्वास कायम राख्न आग्रह गर्नुभयो।साथै अधिकृत गिरीले अब देखि नगरपालिकाको प्रतिनिधि अनिवार्य गरि मात्र साधारणसभा गर्न आग्रह गर्दै ,सहकारीले बचत ऋणको  मात्र कारोबार नगरी उत्पादन मुलक क्षेत्रमा लगानी बढाउन आग्रह गरे।