थाहाका सजन श्रेष्ठ भारतमा Aerospace Engineer विषयमा दिक्षित

बिजयबिक्रम श्रेष्ठ / काठमाडौ / थाहा नगरपालिका वडा नं. ९ चित्लाङ्गमा जन्मिएका, पुष्पदास श्रेष्ठ र ज्ञानीमाया श्रेष्ठका कान्छा छोरा, इन्जिनियर सजन श्रेष्ठलाई भारत स्थित Indian Institute of Technology Bombay बाट Master of Technology in Aerospace Engineering specialization in Aerospace Structure विधामा दीक्षित गरिएको छ । मिति २०७९ श्रावण २१ गते आयोजना गरिएको दिक्षान्त समारोहमा श्रेष्ठ सहित अन्य ३ जना नेपाली विद्यार्थी पनि सोही विषयमा दिक्षित भएका थिए ।
श्रेष्ठले आफ्नो प्राथमिक तहको शिक्षा चित्लाङ्गमै अवस्थित श्री महालक्ष्मी प्रा.वि.बाट पुरा गरि, माध्यामिक तह सम्मको अध्ययन श्री ज्ञानोदय मा.वि. कलंकी काठमाण्डौबाट पुरा गरेका थिए । तत्पश्चात क्यापिटल हिल कलेज टेकु, काठमाण्डौबाट विज्ञान विषयमा १०+२ को शिक्षा पुरा गरे पछि भारतीय सरकारद्धारा आह्वान भएको पुर्ण छात्रवृत्ति कार्यक्रममा भारतिय राजदुतावासद्धारा छनौट भई दक्षिण भारत स्थित बैंगलुरुको नित्ते मीनाक्षी इन्स्टिच्यूट अफ टेक्नोलोजी बाट Aeronautic Engineering विषयमा स्नातक तहको अध्ययन पुरा गरेका थिए । तत्पश्चात स्नाकोत्तर तहको अध्ययनको लागि श्रेष्ठले नेपाल वायुसेवा निगमको सातौं तहको अधिकृतको अवसरलाई छाडेर पुनः भारतीय सरकारद्धारा आह्वान भएको पुर्ण छात्रवृत्ति कार्यक्रममा सहभागी भई स्नाकोत्तर तहको लागि छनौट भई भारतको मुम्बईमा रहेको Indian Institute of Technology Bombay बाट सो तहको अध्ययन पुरा गरे । स्नाकोत्तर तहको अध्ययन पश्चात केही समय बुद्ध एयरलाइन्समा कार्यरत रहेको श्रेष्ठ हाल भारतमै कार्यरत रहेको छ ।
आफ्नो तर्फबाट निरन्तर मेहनत गर्ने र विचलित नभई प्रयास गरे अवश्य पनि सफलता पाइन्छ भन्ने विश्वास राखेका श्रेष्ठ, सम्भवत यस थाहा नगरका पहिलो Aerospace Engineer (Aerospace Structure) हुन् । श्रेष्ठले गत २०७९ जेष्ठ १३ गतेका दिन आफुले प्राथमित तह अध्ययन गरेको विद्यालयमा करिव ८० जनालाई शैक्षिक सामग्री वितरण पनि गरेका थिए ।