थाहाका बाल क्लवका पदाधिकारीहरुका लागि तीन दिने क्षमता अभिवृद्धि तालिम सुरु।

थाहा नगरपालिका महिला,बालबालिका,जेष्ठ नागरिक तथा अपाङ्ग्ता परिचयपत्र वितरण शाखाको आयोजनामा नगरपालिका भित्र रहेका बालक्लवका पदाधिकारीहरुका लागि क्षमता अभिवृद्धि तीन दिने तालिम १९ माघ देखि शिखरकोटको शंकर होटलको सभाहलमा सुरु भएको छ। थाहानगरमा रहेका १२ वटा वडामा गठित बालक्लवका पदाधिकारी लाई बालअधिकार लगायत नेतृत्व विकास सम्बन्धी तालिम दिइने कार्यक्रम संयोजक तथा महिला बालबालिका शाखा प्रमुख प्रतिमा मोक्तानले जानकारी दिए । तालिमको उद्घाटन गर्दै थाहा नगरपालिका उपप्रमुखले विद्यालय स्तरमा अध्ययनरत विद्यार्थीका लागि बालअधिकार सम्बन्धी क्षमता अभिवृद्धि कार्यक्रम संचालन गरेर बालअधिकारको प्रर्बद्धन र बालअधिकार सम्बन्धी शिक्षा प्रदान गरेकोमा अयोजकलाई धन्यवाद दिए । बालअधिकार उल्लंघनका घटनालाई न्यूनिकरण गर्नका लागि सबैको निगरानी आवश्यक रहेको उपप्रमुख गोपालीको भनाइ थियो । नगर बालक्लवका अध्यक्ष खुशी गोपालीको अध्यक्षतामा भएको तालिम उद्घाटन समारोहमा प्रमुख अतिथी उपप्रमुख भरत गोपाली,कार्यपालिका सादस्यहरु पवित्रा सिंह ठकुरी कार्की , जनक बहादुर कामी,सामाजिक विकास शाखा प्रमुख अनिल लामिछाने,सुचना शाखा प्रमुख सुरज कुमार भुजेल,तालिम सहजकर्ता कुमार नेगी ,कृषि शाखा प्रमुख संजय तिवारी लगायतका उपस्थित रहेको थियो। तीन दिन सम्म संचालान हुने तालिममा बाल अधिकार र कर्तव्य ,बालमैत्री स्थानिय तहका सुचकहरु,बालाक्लव गठन र प्रक्रिया ,बालक्लवमा योजना निर्माण लगायतका विषयमा सहजीकरण गरिने तालिमका सहजकर्ता कुमार नेगीले जानकारी दिनुभयो। तालिममा १२ वडाका २४ जना बालबालिकाको सहभागी रहेको छ।

प्रविष्ट गर्नुहोस्

You forwarded an image