थाहाका दलित अगुवा हरुसंग छलफल तथा अभिमुखिकरण

नगरपालिका भित्र रहेका दलितहरुको निम्ति माध्यमिक कक्षासम्म अध्ययनरत दलित समुदायका सम्पूर्ण बालबालिकालाई निःशुल्क अध्ययनको व्यवस्था गरिनुपर्ने, उच्च शिक्षा तथा प्राविधिक शिक्षा निःशुल्क र छात्रवृत्तिसहित अध्ययनको व्यवस्था गर्ने र दलित समुुदायले सञ्चालन गर्दै आएका पेसा तथा व्यवसायलाई आधुनिकीकरण गरी स्वरोजगारमुखी बनाउन नगरपालिकाले काम गर्नुपर्ने बताएका छन।
थाहा नगरपालिकाको आयोजनामा भएको दलित लक्षित कार्यक्रम सम्बन्धि समिक्षा तथा अभिमुखिकरण कार्यक्रममा दलित अगुवाहरुले उक्त कुरा हरु बताएका हुन।
दलित समुदायलाई सामाजिक, सांस्कृतिक र आर्थिकरुपमा सबल बनाउनका लागि  विनियोजन भएको बजेट सदुपयोग हुनुपर्ने उनिहरुको भनाइ रहेको थियो।
थाहा नगरपालिका सामाजिक विकास समिती संयोजक दिनेश बलको अध्यक्षतामा भएको कार्यक्रममा थाहा नगरपालिकाका जननिर्वाचित दलित प्रतिनिधिहरु र दलित अगुवा हरुको उपस्थिति रहेको कार्यक्रममा संयोजक बलले दलित समुदायका लागि नगरपालिकाको साधन स्रोतले भ्याउनेसम्मको कार्य गर्न पछि नहट्ने बताए ।
कार्यक्रममा सामाजिक विकास शाखा अधिकृत अनिल लामिछानेले सहजीकरण गरेका थिए।