थानकोट,चित्लाङ सडकलाई बजेट सुनिश्चितता गर्न थाहा र चन्द्रागिरीले उच्चस्तरमा पहल गर्ने

थाहा नगरपालिका र चन्द्रागिरी नगरपालिका बिच थानकोट चित्लाङ(गणेशमान मार्ग) को स्तरोन्नति तथा कालोपत्रे सहितको निर्माण कार्य गर्नको निम्ति दुई पालिकाको प्रमुख सहितको समिती निर्माण गरेर अगाडि बढ्ने सहमती भएको छ।
साउन १३मा, चन्द्रागिरी नगरपालिकाको कार्यालयमा भएको छलफल मा दुबै पालिकाको चन्द्रागिरी नगरपालिका वडा न ४ का अध्यक्ष कृष्ण प्रसाद खड्गी  तथा थाहा नगरपालिका वडा न ९ का अध्यक्ष राजकुमार बलामीलाई सडक निर्माण कार्य हेर्ने समिती बनाएर लाने तथा सडकको नयाँ डिपिआरको लागि भौतिक योजना मन्त्रालय तथा सडक बिभागमा जाने र बजेट मागको लागि प्रधानमन्त्री कार्यालयमा जाने निर्णय गरीयको थाहा नगरबाट छलफलमा सहभागी ईन्द्र श्रेष्ठले बताउनुभयो।बैठकमा सहभागी श्रेष्ठका अनुसार यसपालिको बजेट जम्मा तीन करोड रुपैयाँ मात्र भएकोले तेति मात्र बजेटले खासै काम र सडकको प्रगति हुन नसक्ने ठहर गर्दै पुरानो डिपिआर बाट नयाँ बजेट र योजना बनाउन नसकिने हुँदा पुरानो डिपिआर लाई रिभ्यु गरेर नया योजनाका साथ सम्बन्धित निकाय र मन्त्रालयमा बजेट सुनिश्चितताको लागि आबश्यक कदम अगाडि बढाउने दुवै पालिका प्रमुख सहमत भएको बताए।
दुई पालिका बिच भएको छलफलमा थाहा नगरका प्रमुख बिष्णु बिष्ट ,चन्द्रागिरीका नगर प्रमुख घनश्याम गिरी,राष्ट्रिय सभाका निवर्तमान सदस्य रामनारायण बिडारी,बिष्णुहरी ढकाल जंगली ,थाहा ९ का अध्यक्ष राजकुमार बलामी ,माओवादी केन्द्र बागमती प्रदेश सदस्य इन्द्र बहादुर श्रेष्ठको सहभागीता रहेको थियो।