तारे भिरमा माओवादी थाहाको जनश्रमदान

भिमफेदी गाउँपालिकाको वडा नं. ९ बसिफाँट माथिको तारेभिरमा १०० बर्ग फिटको गुरु पद्मसम्भवको मुर्ती कुँदने कार्यको लागि खट बाध्न  आवश्यक बाँस ओसार्ने कामको लागि नेपाल कम्युनिस्ट पार्टी (माओवादी केन्द्र) थाहा नगर कमिटिले श्रमदान अभियान सुरु गरेको छ ।
राजनैतिक दल समाजको अभिन्न र महत्त्वपूर्ण अंग हो र समाजमा हुने हरेक कार्यमा सकृय सहभागी भई राजनैतिक दलको काम भोट माग्ने र चुनाब लड्ने मात्र हो भन्ने मान्यतालाई भंग गर्न हामिले यो धार्मिक स्थलमा पर्यटनको समेत प्रचुर सम्भावना हुने हुनाले श्रमदान अभियान संचालन गरिएको माओवादी थाहाका अध्यक्ष बिनोद कुमार लामाले जानकारी दिए।
उनले थाहा नगरको १२ वटै वडा कमिटिहरुलाई श्रमदान अभियानमा संलग्न हुन आव्हान गरेका बताउदै  आम नागरिक, स्थानीय संघ/संस्था, राजनैतिक दल सबैलाई नैतिक, आर्थिक, भौतिक सहयोग गरिदिनु हुन पनि पार्टीको तर्फबाट अनुरोध गरेका छन ।

थाहाको ॠषेश्वरमा गुरु पद्मसम्भवले ४० दिन तपस्या गर्नु भएको र ॠषेश्वर पछाडिको बसिफाँटमा गुरु ज्याडल रिन्पोछेले ८ बर्ष तपस्या गर्नु भएको स्थान बसिफाँटलाई बज्रयान बौद्द समुदायले अत्यन्तै  पवित्र स्थल मान्दछन । 
यस स्थानमा गुरु पद्मसम्भवको चित्र कुँदिएपछी धार्मिक पर्यटनको पर्वद्द्न हुन जाने र बसिफाँट र ॠषेश्वर क्षेत्रमा पर्यटकको आवागमनमा प्रसस्त मात्रमा बृद्दी हुने देखिन्छ ।