ठेकेदारले समयमा काम नगरेको भन्दै थाहा नगरपालिकाले जारी ग¥यो सार्वजनिक सूचना (सूचनासहित)

सम्झौता बमोजिम ठेकेदारले तेकिएको समयमा काम सम्पन्न नगरेको र पटकपटक बोलाउँदा पनि सम्पर्कमा नआएको भन्दै थाहा नगरपालिकाले सार्वजनिक रुपमै सूचना जारी गरेको छ । आज बिहीबार गोरखापत्र दैनिकमा सार्वजनिक सूचना प्रकाशित गरी थाहा नगरपालिकाले थाहाका दुईवटा निर्माण कम्पनीलाई सम्पर्कमा आउन आह्वान गरेको हो । 

७ दिनको म्याद दिएर प्रकाशन गरिएको सूचनामा २०७५÷०७६ भित्र काम सम्पन्न गर्ने गरी ठेक्का सम्झौता भएकोमा हालसम्म पनि सम्पन्न हुन नसकेको र ठेकेदारलाई सम्पर्कका लागि बोलाउँदा पनि नआएको उल्लेख गरिएको छ । ‘आर्थिक वर्ष २०७४÷ ०७५ र ०७५÷०७६ मा गरिएका सम्झौताहरु हुन्, पहिलोपटक भएको सम्झौता अवधि सकिएको दुई वर्ष वित्दा पनि सम्पन्न हुन सकेन, पटकपटक बोलाउँदा सम्पर्कमा नआएपछि सार्वजनिक रुपमै आव्हान गरेका छौं,’ नगरपालिकाका एक उच्च अधिकारीले थाहापाटीसित भने । 

नगरपालिकाले सूचना प्रकाशित गरी प्रोग्रेसिभ कन्स्ट्रक्शन कालीमाटी र एफ एण्ड टी कन्स्ट्रक्शन सिन्धुपाल्चोकलाई सम्पर्कमा आउन भनेको हो । थाहा नगरपालिकामा प्रोग्रेसिभले सम्झौताबमोजिम ३ वटा ठेक्का र एफ एण्ड टीले २ वटा ठेक्का समयमा सम्पन्न गर्न नसकेको सूचनामा जनाइएको छ । 

प्रोग्रेसिभ कन्स्ट्रक्शनले आ. व. २०७५÷०७६ मा थाहा बसपार्क निर्माण, थाहा पार्क निर्माण र पालुङ बँदेली सडकको अपग्रेडिङ गर्ने गरी छुट्टाछुट्टै ३ वटा सम्झौता गरेकोमा सम्पन्न हुन नसकेकोे हो । त्यसैगरी एफ एण्ड टी कन्स्ट्रक्शनले आ. व. २०७४÷०७५ मा थाहा नगरपालिकाको वडा नं. ७ र ८ को वडा कार्यालय भवन निर्माणको ठेक्का लिएको थियो । 

उक्त निर्माण कम्पनीहरुले तोकिएको म्याद भित्र कार्यलयमा सम्पर्क नगरेमा कानून बमोजिम कारबाहीको प्रक्रिया अघि बढाउने थाहा नगरपालिकाले सूचनामार्फत् चेतावनी दिएको छ । 

हेर्नुहोस् गोरखापत्र दैनिकमा प्रकाशित सूचना: