टोल विकासका पदाधिकारीलाई नेतृत्व विकास तथा उद्घोषण तालिम,,

मकवानपुर ÷ हेटौँडा—१५ मा नेतृत्व विकास तथा उद्घोषण तालिम सम्पन्न भएको छ । टोल विकास संस्था वडा समन्वय समिति, हेटौँडा—१५ को आयोजना तथा हेटौँडा–१५ को आर्थिक सहयोगमा ५ दिने तालिम आज सम्पन्न भएको हो । टोल विकासका अध्यक्ष सिंह बहादुर विश्वकर्माको सभाध्यक्षता तथा हेटौँडा—१५ का वडा अध्यक्ष सुनिल मोक्तानको प्रमुख आथित्यतामा कार्यक्रम भएको हो । पौष २५ गते देखि संचालित तालिममा टोल विकासका पदाधिकारीहरु ग्रि ५५ जनाको सहभागिता रहेको थियो ।

समापन कार्यक्रमलाई सम्बोधन गर्दै अध्यक्ष मोक्तानले तालिममा सिकेका कुराहरुलाई ब्यवहारमा लागु गर्न सके मात्र जिवनमा परिवर्तन आउने बताउनु भयो ।
तालिममा सहभागि कृष्ण माया तितुङले पाँचदिने कार्यक्रमबाट मञ्चमा उभिएर निर्धक माइक समात्न सक्ने भएको बताउनु भयो । अर्का सहभागि कुमारी श्रेष्ठले यो पाँचदिने कार्यक्रम घरभित्र चुल्होचौकामा सीमित भएका महिलाहरूका लागि सुनौलो अवसर भएको बताउनु भयो ।
प्रशिक्षार्थी परशुराम घिमिरेले आफुभित्र रहेको क्षमता पनि अभ्यास नहुँदा भित्रै लुकेर बसेको कुरा तालिम लिएपछि बुझेको बताउनु भयो । तालिम लिएपछि आफूलाई मनमा लागेको कुरा समूहमा राख्न सक्ने भएको उहाँको भनाइ छ ।
सो अवसरमा सहभागि टोलविकासका पदाधिकारीहरुले तालिमबाट आफुहरुले धेरै कुराहरु सिक्ने अवसर मिलेको भन्दै ब्यवहारमा उतार्न प्रयास गर्ने बताएका थिए । प्रशिक्षार्थीहरूले पाँच दिनमा कार्यक्रम संचालन देखि बोल्नेकला सम्बन्धी धेरै कुरा सिक्न पाएको बताएका थिए । 

टोल विकासका पदाधिकारीहरुलाई बाल्ने कला र क्षमता विकास गर्ने उद्देश्यले तालिम आयोजना गरिएको टोल विकास समन्वय समितिका सचिव युवराल लोले बताउनु भयो । ५ दिन सम्म संचालित तालिममा हजुरको खबर डटकमका प्रमुख रुपक कालिराज र विजय बजागाईले सहजीकरण गर्नु भएको थियो । थाहापाटी,