जिसस द्वारा थाहाका बिकास निर्माणकार्यको अनुगमन :-जनकल्याणको निर्माणाधीन भवनको नयाँ ठेक्का लाग्ने।

जिल्ला समन्वय समिति मकवानपुरका उपप्रमुख सहितका कर्मचारी टोलिले आज थाहा नगरपालिकाको बिकास आयोजनाको अनुगमन तथा निरीक्षणका साथै थाहाका क्रसर ब्याबसायी हरु सङ्ग छलफल गरेका छन।
जिल्ला समन्वय समिति मकवानपुरका उपप्रमुख सानुकाजी लुइँटेल सहित जिससका सदस्य सुवर्ण गोपाली,थाहा नगरका उपप्रमुख भरत गोपाली,थाहा नगरका निमित्त प्रशासकीय अधिकृत अजित घिमिरे,जिसस मकवानपुरका निमित्त अधिकृत सुनिता कुमारी गजुरेल,जिससका नासु उपेन्द्र नाथ पोखरेल ,थाहा नगरका सूचना अधिकारी सुरज कुमार भुजेल,पत्रकार शम्भु अधिकारीका टोलिले नगरभित्र निर्माणाधीन आयोजनाहरुको स्थलगत अबलोकन तथा अनुगमन गरेका थिय।
अनुगमनका क्रममा बिगत १० बर्ष देखि निर्माणकार्य अधुरो रहेको जनकल्याण माबिको भवन अनुगमन गरीयको छ।
भारतिय राजदुतावासको आर्थिक सहयोग तथा तत्कालीन जिल्ला बिकास समितिको शुपरिबेक्षण मा २०७१ मा नै निर्माण सम्पन्न भैसक्नु पर्ने भवनको ठेकेदारको लापरबाहीले निर्माण रोकिदै आयको थियो।
ठेक्का लिने मिलिनियम / शंकरमाली जे भि लाई पटक पटक ताकेता गर्दापनी काम नगरेपछि कारवाही स्वरुप कालोसूचीमा राखियको जिससका निमित्त अधिकृत सुनिता कुमारी गजुरेलले बताय।भारतिय दूतावासको आर्थिक सहयोगमा ३ करोड २८ लाख ९८ हजारमा निर्माण सम्झौता भएको १० बर्ष बितिसक्दा पनि पुर्ण हुन सकेको छैन ,अब ठेकेदार कम्पनीलाई कारबाही गरीयपछी दूतावासले दिन बाकी १ करोड ६० लाख रुपैया र प्रबिधिक स्टमेट गरेपछी लाग्ने लागत कतिहुन्छ अपुग हुन आउने रकम स्थानीय सरकारले हाल्ने गरि भदौ भित्र नयाँ टेन्डरको आव्हान गरीने जिससका नासु उपेन्द्र नाथ पोखरेलले बताउनुभयो।
नयाँ ठेक्का प्रक्रियामा जाने भएपछि अबको शैक्षिकसत्र देखि विद्यार्थीले नयाँ भवनबाट पठनपाठन गर्न पाउने आश पलाएको र यसमा समन्वय गर्ने जिसस मकवानपुर लाई विद्यालय ब्यबस्थापन समितिका अध्यक्ष राजिव कुमार स्याङ्तानले धन्यवाद दिनुभयो ।
विद्यालय भवन निर्माण नहुदा विद्यार्थी लाई पठनपाठन गर्न असहज भएको ब्यबस्थापन समितिका सदस्य निरोज प्रधानले अनुगमनका क्रममा बताए।
अनुगमन अगाडि थाहा नगरपालिकाको कार्यालयमा थाहाका क्रसर तथा बालुवा ब्याबसायी बिच छलफल भएको थियो ।छलफलको क्रममा ब्याबसायी हरुले क्रसर ब्याबसायी हरुलाइ राज्यको हेर्ने नजरमा परीवर्तन हुनुपर्ने तथा नगरको नीति ब्यावसायि मैत्री नभएको भन्दै गुनासो गरेका थिय।
ब्याबसायिहरुले उठाएको समस्यालाई समाधान गर्न जिसस सङ्ग मिलेर अगाडि बढ्ने थाहाका उपप्रमुख भरत गोपालीले ब्याबसायी हरुलाइ आस्वस्त तुल्याए।