जलवायु परिवर्तनबाट हुने जोखिम न्यूनिकरण गर्न थाहामा छलफल

थाहा नगरपालिकाका प्रमुख लवशेर विष्टले जलवायु परिवर्तनको असर विश्वव्यापी रुपमा परिरहेकोले पर्यावरण जोगाउन सबै सचेत हुनु पर्ने बताउनु भएको छ । थाहा नगरपालिका तथा पानी सदुपयोग फाउन्डेसनको आयोजनामा जलवायु परिवर्तन तथा जलउत्पन्न प्रकोप जोखिम व्यवस्थापन कार्यक्रममा प्रमुख विष्टले पर्यावरण जोगाउन नलागे प्राकृतिक विपत्ती भोग्नु पर्ने भएकाले आजैबाट  जोखिम न्यूनिकरणमा लाग्नु पर्ने बताउनु भयो । 
 थाहा नगरपालिका शिखरकोटको विकास घरमा भएको कार्यक्रममा विश्वको जलवायु परिवर्तनको बारेमा चर्चा गरिएको छ । कार्यक्रमलाई सहजिकरण गर्दै डाक्टर ङमिन्द्र दाहालले वर्तमान अवस्थामा विश्वमा जलवायु परिवर्तन र यसका असरहरुको बारेमा जानकारी गराउनुभएको छ । त्यस्तै कार्यक्रमका सहजकर्ता डाक्टर चिरन्जिवि भट्टराईले थाहा नगरपालिकामा जलवायु परिवर्तन र वर्षाको बारेमा बोल्दै वातावरण जोगाउनको लागि सरोकारवालाहरुको ध्यानाकर्षण हुनुपर्नेमा जोड दिनुभएको छ । 

कार्यक्रममा थाहा नगरपालिकाका जनप्रतिनिधीहरु तथा थाहानगरपालिकाका शाखा प्रमूखहरुको सहभागिता रहेको थियो । कार्यक्रममा थाहा गरपालिकाका नगर उपप्रमूख खड्ग गोपालीदले थाहा नगरपालिकाको विपद व्यवस्थापनका बारेमा बोल्दै भावि योजनाहरुको लागि आफूहरुले सार्थक सोच निर्माण गरिरहेको बताउनुभएको छ ।