जनयुद्धका सहिद सुनिता गोपालीको २० औं स्मृतिमा श्रद्धाञ्जली सभा आयोजना

२०५९ भाद्र १३ गतेका दिन धादिङको निगांलेबाट सेल्टर लिइरहेको अवस्थामा धादिङको बैरेनीबाट खटिएको तत्कालीन शाही नेपाली सेना द्वारा कब्जामा लिइ तसर्पु रातोमाटेमा ल्याइ निर्मम यातना सहित हत्या गरियका थाहा नगरपालिकाका जनयुद्धका सहिद सुनिता गोपालीको स्मृतिमा सहिद सुनिता स्मृति प्रतिष्ठानको आयोजनामा २० औं सहिद सुनिता स्मृति दिवस तथा श्रद्धाञ्जली कार्यक्रमको आयोजना गरि सुनिता गोपाली लाई श्रद्धाञ्जली अर्पण गरियको छ।
थाहा नगरपालिका वडा न १ कुन्छालमा प्रतिष्ठानको अध्यक्ष सुवर्ण गोपालीको अध्यक्षता तथा नेकपा माओवादी केन्द्रका बागमती प्रदेश सदस्य ज्योति रायमाझीको प्रमुख आतिथ्यतामा सम्पन्न श्रद्धाञ्जली सभामा नेकपा एकीकृत समाजवादिका नगर अध्यक्ष सानुकाजी गोपाली,माओवादी केन्द्र थाहा नगरका अध्यक्ष बिनोद कुमार लामा,माओबादी जिल्ला समन्वय समिती सदस्य अरुण रायमाझी ,जेष्ठ कम्युनिस्ट सदस्य बिष्णु गोपाली,वडा अध्यक्ष हरु हेरमान गोपाली,हिरेन्द्र रायमाझी ,माओवादी केन्द्र नगर उपाध्यक्ष सुमन कार्की लगायत विभिन्न संघसंस्था ,बुद्धिजिवि हरुको उपस्तिथि रहेको थियो ।
आमा मैजुमाया गोपाली र बुबा ज्ञानुकाजी गोपालीको कोखबाट जन्मियकि सुनिता गोपाली सानै देखि बिद्रोही स्वाभावको भएको प्रतिष्ठानको अध्यक्ष सुवर्ण गोपालीले बताउनुभयो। अध्यक्ष गोपालीका अनुसार २०५८ साल भाद्र १ गते देखि परिवर्तनको निम्ति जनयुद्धमा होमिएकि सुनिता गोपाली पार्टीमा पुर्णकालिन हुनुहुन्थ्यो त्यतिबेला सुनिता गोपाली सङै धादिङ जिवनपुरका सुमित्रा दंगाली क संगिता पनि सङै सहिद भएको बताए।
कार्यक्रममा वक्ताहरुले सहिदले देखायको बाटोमा नेतृत्व नहिडी गलत बाटो हिडिरहेको बताउदै सहिदले बगाएको रगत लाई नभुल्न नेतृत्वलाई खवरदारी गर्दै पार्टीले सहिद तथा बेपत्ता परिवारलाई विशेष ख्याल राख्नुपर्नेमा जोड दिएका थिए।

श्रद्धाञ्जली सभाको अवसरमा सहिद परिवारलाई अभिनन्दन गरियको थियो।