जनकल्याण द्वारा आयोजित डिजिटल हाजिरी जबाफमा इअन सेकेन्डरी प्रथम,

शिक्षा दिवशको अवसरमा थाहा नगरस्थित जनकल्याण माविले आयोजमा गरेको माविस्तरीय अन्तर विद्यालय डिजिटल हाजिरी जवाफ प्रतियोगिता सम्पन्न भएको छ ।

थाहा नगरना अन्तर विद्यालयस्तरीय डिजिटल हाजिरी जवाफ प्रतियोगिता पहिलो पटक आयोजना भएको हो ।

१३ वटा विद्यालय सहभागी प्रतियोगितामा बज्रबाराहीस्थित इअन इङ्ग्लिस एकेडेमी प्रथम भएको छ । प्रतियोगितामा पालुङस्थित पालुङ भ्याली हार्टे एकेडेमी द्वितीय, हिमालयन इङ्ग्लिस सेकेन्डरी बोडिङ स्कुल तृतीय र कुन्छालस्थित सुनौला माविले सान्त्वना स्थान हासिल गरेको छ । 

प्रतिगोगिताका प्रथमलाई नगद ६ हजार, द्वितीयलाई ४ हजार ५ सय, तृतीयलाई ३ हजार र सान्त्वना १ हजार ५ सय, ट्रफी, मेडल तथा प्रमाणपत्र वितरण गरिएको थियो । प्रथम पुरस्कार पालुङ भ्याली हार्ट एकेडेमी, द्वितीय हिमालयन इङ्ग्लिस सेकेन्डरी बोडिङ स्कुल, तृतीय पालुङ अङ्ग्रेजी आवासीय माद्यामिक विद्यालय, सान्त्वना पालुङ मोडर्न इङ्ग्लिस मिडियम स्कुल र ट्रफी हिमशिखर अपसेट प्रेसले सौजन्य गरेको हो । 

विद्यालय व्यवस्थापन समिति अध्यक्ष राजिव कुमार स्याङ्तानको अध्यक्षता तथा नगर शिक्षा शाखा प्रमुख माधव विक्रम मल्लको प्रमुख आतिथ्यता तथा वडा न ३ को बिशिस्ट आतिथ्यतामा कार्यक्रम सम्पन्न भएको थियो। पुरस्कार वितरण कार्यक्रममा प्याव्सन थाहा नगरका अध्यक्ष सुरेन्द्रमान प्रधान, प्रमुख अतिथि मल्ल, प्रधानाध्यापक सानोभाइ कार्कीलगायतले बधाई तथा शुभकामना व्यक्त गर्नु भएको थियो