जनकल्याणमा विद्यालय सम्बन्ध,सुधारको लागि अन्तरक्रिया सम्पन्न ,

जनकल्याण माबिको आयोजनामा "स्थानीय विद्यालय सम्बन्ध सुधार विषयक "अन्तरक्रिया एवंम थाहा नगरपालिकाको नवनिर्वाचित जनप्रतिनिधिहरुको स्वागत तथा सम्मान कार्यक्रम सम्पन्न भएको छ।बिध्यालय ब्यबस्थापन समितिका सदस्य अर्जुन सुनारको अध्यक्षता तथा थाहा नगरपालिकाको उपप्रमुख भरत गोपालीको प्रमुख आतिथ्यतामा सम्पन्न कार्यक्रममा शिक्षा बिज्ञान तथा प्रबिधि मन्त्रालयका सहसचिव रामशरण सापकोटा ,शिक्षा बिज्ञान तथा समन्वय इकाईका उपसचिव दिनानाथ गौतम ,थाहा नगर शिक्षा शाखा प्रमुख शोभाकर रेग्मी ,शिक्षा बिभागका शाखा अधिकृत पद्मा सापकोटा ,नारायणी नमुना माबीका प्राध्यानाध्यापक पुर्ण प्रसाद दवाडी ,च्वाइस नेपालका कुल प्रसाद तिवारी ,शिक्षा शाखा थाहा नगरका शाखा अधिकृत माधव बिक्रम मल्ल,जनकल्याण माबिका प्र अ सानोभाइ कार्की ,थाहा नगर रोजगार संयोजक कुमार नेगी,नवनिर्वाचित वडा अध्यक्षहरु,नगरभित्र रहेका विद्यालयका प्रअ हरु ,शिक्षक पत्रकार हरुको उपस्थिती रहेको थियो।
कार्यक्रमको बारेमा प्रकाश पार्दै जनकल्याणका प्रअ सानोभाइ कार्कीले नमुना बिध्यालय बनाउन नगरभित्र रहेका निकायको सहकार्य तथा आम अभिभावकको चासो चिन्ता आबश्यक रहेको औल्याउँदै जनकल्याण गुणस्तरीय शिक्षामा जोड दिरहेको बताए ।
तेस्तै नमुना बिध्यालय संचालन गरि देशमै उत्कृष्ट सामुदायिक विद्यालय बनाउनुभएका नारायणी नमुना माबी भरतपुर चितवनका प्रअ पुर्ण प्रसाद दवाडीले जनकल्याण लाई नमुना बिध्यालय बनाउन आफ्नो बिध्यालयले गरेका काम हरुको बारेमा जानकारी गराउदै  नारायणी माबिले ९ :५० देखी ४:३० सम्म पठनपाठन ,पासमार्क ३२ बाट ४० ,पहिलो र दोस्रो त्रैमासिक परिक्षा पासगरेपछी मात्र अन्तिम परिक्षा दिने,परिक्षाको नतिजा विश्लेषण गरेर सार्वजनिक गर्ने,शुक्रबार परिक्षा लिने,परिक्षाको कपि घरमा पठाउने,अभिभावक अन्तरक्रिया बढाउने,पिरियड ब्यबस्थापन ,शिक्षक,विद्यार्थी सङ  प्रतिबद्धता लिने ब्यबस्था गर्ने,नमुना हुन नेपाल सरकारले तय गरेको १५१ मापदण्ड पूरा गरेको तथा शिक्षक ,अभिभावकको साथबाटनै देशको उत्कृष्ट विद्यालय बनाउन सफल रहेको बताउनुभयो।
कार्यक्रममा आफ्नो मन्तव्य राख्दै नवनिर्वाचित उपमेयर भरत गोपालीले आफुले पनि यसै विद्यालयमा अध्ययन गरेको तथा समग्र थाहा नगरको शैक्षिक इतिहासको खम्बा जनकल्याण भएकोले विद्यालयको शैक्षिक गुणस्तर वृद्धिको लागि आफू र स्थानिय सरकारको हर प्रयास रहने बताउनुभयो।
कार्यक्रममा थाहा नगरका नवनिर्वाचित जनप्रतिनिधिहरुलाइ स्वागत तथा सम्मान गरियको थियो।