जनकल्याणको वार्षिकोत्सवको अवसरमा टोल टोलमा सरसफाइ
समापन गर्न सामाजिक विकास मन्त्री कुमारी मोक्तान आउदै

थाहा नगरपालिकामा अवस्थित जिल्लाकै  पुरानो माध्यमिक विद्यालय जनकल्याण माबिले आफ्नो ५६ औं वार्षिकोत्सवको अवसरमा विद्यालय वरपर रहेको टोल तथा बजार सरसफाइ गरेको छ।
थाहा नगरपालिकाको नगर प्रहरी संगको सहकार्यमा कक्षा ११ र १२ मा अध्यनरत,विद्यार्थी ,शिक्षक,नगर प्रहरी सहितको टोलिले थाहा २ को फाँटबजार,पालुङ शहर,डाँडागाउँ तथा गोपालीगाउँ क्षेत्रमा सरसफाइ गरिएको शिक्षक प्रदिप केसीले जानकारी दिए।
सरसफाइ गर्दा निक्लने फोहोर संकलनको निम्ति थाहा नगरपालिकाले टिपर र ट्याक्टर उपलब्ध गराएको थियो।
विद्यालयले आफ्नो वार्षिकोत्सवको अवसरमा ३ दिन देखि बिबिध कार्यक्रम गर्दै आइरहेको छ जसमध्य पहिलो दिन थाहा नगर स्तरीय अन्तर प्रावी सामुहिक नृत्य प्रतियोगिता सहित उद्घाटन गरि विविध कार्यक्रम गरेको थियो भने दोस्रो दिन पुर्व विद्यार्थीहरु संग अन्तरक्रिया कार्यक्रम आयोजना गरेको थियो ।
वार्षिकोत्सवको आज अन्तिम दिन पुरस्कार वितरण तथा विद्यालयको विकासको निम्ति योगदान गर्ने हरुलाइ सम्मान सहित समापन हुँदै छ।
आज अन्तिम दिनको कार्यक्रम समापन गर्नको निम्ति बागमती प्रदेशका सामाजिक विकास मन्त्री कुमारी मोक्तानको प्रमुख आतिथ्यता रहने विद्यालयका सहायक प्रधानाध्यापक मनोज रायमाझीले जानकारी दिए।