चेतनशील महिला सहकारीको अध्यक्षमा शकुन्तला गोपाली

थाहा नगर । चेतनशिल महिला बचत तथा ऋण सहकारी संस्थाको १८ औं बार्षिक साधारण सभा सम्पन्न भएको छ । थाहा नगर शिखरकोटको बिकास घरमा भएको साधारणसभाले शकुन्तला गोपालीको अध्यक्षतामा ९ सदस्यीय नयाँ कार्यसमिति निर्वाचित गरेको छ।जस्को उपाध्यक्षमा मेरिना खत्री,सचिब प्रतिमा श्रेष्ठ ,सहसचिव मिरा खड्का ,कोषाध्यक्ष कमला बिष्ट तथा सदस्यहरु गीता बिष्ट ,सानुमैया भण्डारी ,शान्ती पाख्रीन,र मिना नेगी रहेका छन भने लेखा समिती संयोजकमा रुना खत्री,सदस्य कोपिला गोपाली,राजी बस्नेत रहेको प्रमुख निर्वाचन अधिकृत बिमल कुमार बिष्टले जानकारी दिनुभयो।

थाहा नगरपालिका ३ मा रहेको सहकारीको कार्यक्रममा प्रमुख अतिथी वडा न ३ का अध्यक्ष हिरेन्द्र रायमाझीले सानो महिला समुहबाट शुरु भएको सहकारीले प्रगती गर्न सफल भएकोमा बधाई दिनुभएको छ ।महिला सहकारी संस्थाले समाजमा खेलेको भुमिका उल्लेख्य रहेको बताउँदै आगामि दिनमापनि वडाको तर्फबाट साथ र सहयोग रहिरहने बताउनुभयो । उहाँले स्थानिय सरकार र सहकारीले हातेमालो गर्दै समाजको बिकास र उत्थानका लागि संगसंगै अघि बढ्नुपर्ने धारणा ब्यक्त गर्नुभयो ।

कार्यक्रमका बिशिस्ट अतिथी थाहा नगरपालिका महिला तथा बालबालिका शाखाका प्रमुख प्रतिमा मोक्तानले नगरपालिकाले महिला सहकारीलाई दिदै आइरहेको चालू कोषमा वृद्धि गर्दै सीपमुलक तालिम र महिला सहकारी लाई प्राबिधिक युक्त बनाउन ५० प्रतिशतमा ल्यापटप अनुदानमा दिने कार्यक्रम रहेको बताउदै अन्य कार्यक्रममा सहकार्य गरेर अगाडि बढ्ने बताउनुभयो। अर्का अतिथी पालुङ बहुउद्देश्यीय सहकारी संस्थाका अध्यक्ष उमेश ढकालले नगरमा महिला सहकारीको रुपमा उत्कृष्ट काॠ गरेको बताउदै ,छोटो समयमा ठुलो परिबर्तन गर्न सफल यस सहकारीले यो क्षेत्रको शाख राख्न सफल भएको छ । यो क्षेत्रको मात्र होईन देशकै शाख राख्ने गरि काम गर्नुस मेरो शुभकामना छ ‘उहाँले भन्नुभयो ।

साधारणसभामा संचालक समितिको तर्फबाट कार्यवाहक अध्यक्ष मेरीना खत्रीले संस्थाको नीति तथा कार्यक्रम सहित आफ्नो प्रतिवेदन प्रस्तुत गरेका थिय भने कोषाध्यक्ष राधिका रायमाझीले आर्थिक प्रतिवेदन प्रस्तुत गर्दै हाल संस्थामा शेयर पुजि ३३ लाख,जगेडा कोषमा २० लाख रुपैयाँ तथा निक्षेप १ करोड ३४ लाख रहेको बताउदै संस्थाले वार्षिक २ करोड १८ लाख रुपैयाँको आर्थिक कारोबार गरेको प्रतिवेदन प्रस्तुत गर्नुभयो। साधारणसभाको अवसरमा जेष्ठ महिला शेयर सदस्यहरुलाइ सम्मानित गरियो सम्मानित हुनेमा मिनु बिष्ट ,सान्नानी सुनार,मखमली रायमाझी ,राममाया रायमाझी ,गोमा रायमाझी ,कालीमैया वर्तौला,हेमकुमारी बिष्ट ,बुद्धमाया गोपाली,माया रायमाझी ,कृष्ण कुमारी केसी,राधिका कार्की ,कृष्ण केसी रहे भने कारोबार संचालनमा उत्कृष्ट समूह थाहा ३को शुभकामना महिला बिकास समिति ,प्रगती महिला बिकास समिति ,थाहा ३ र बालकुमारी महिला बिकास समिति थाहा ४ नारायण झ्याउ भए तेसैगरी उत्कृष्ट बचतकर्ता चमेली कार्की र भैरव प्रधान हुदा कर्जा संचालनमा उत्कृष्ट चन्द्रावती रायमाझी भए।

संस्थाका उपाध्यक्ष मेरिना खत्रीको अध्यक्षतामा सम्पन्न साधारणसभामा पालुङ बहुउद्देश्यीय सहकारी संस्थाका उपाध्यक्ष अरुण रायमाझी ,संस्थाका पुर्व अध्यक्ष कबिता बिष्ट ,लालीगुरास महिला बहुउद्देश्यीय सहकारीका अध्यक्ष रिता प्रधान,दिव्यतारा बहुउद्देश्यीय सहकारी पालुङ सेवा केन्द्रकी व्यवस्थापक राममाया खत्री,कुण्डलदेवी बहुउद्देश्यीय सहकारीका व्यवस्थापक राजन मिश्र,फरक सोचका अध्यक्ष यादव रायमाझी ,दामन चेली समाजका अध्यक्ष जयन्ती रायमाझीले शुभकामना मन्तव्य दिनुभएको थियो। कार्यक्रम लाई संस्थाका व्यवस्थापक शकुन्तला गोपालीले संचालन गरेका थिय।