चुनाव अगाडि नै ,थाहा बसपार्क संचालन गर्छु:- मेयर बिष्ट

नगरको गौरवको योजना मा रहेको थाहा ४ नार्खु ढाडमा निर्माणाधीन थाहा बसपार्क आउदो स्थानिय चुनाव अगावै संचालनमा ल्याउन थाहा नगरपालिका का प्रमुख लबशेर बिष्ट सकारात्मक भएका छन।
आज थाहा नगरपालिका वडा न ४ का स्थानिय युवाहरुको संयुक्त टोलिले थाहा बसपार्क यथासिग्र संचालन गर्नुपर्ने माग राख्दै नगर प्रमुख बिष्टलाई ध्यानाकर्षण गर्ने क्रममा मेयर बिष्टले सो कुरा बताउनुभएको हो।स्थानिय युवा हरुको टोलिले नगर प्रमुख बिष्ट समक्ष बसपार्क संचालन गर्न सक्ने संरचना तयार भै सकेको तथा हाल शिखरकोटको अस्थायी बस काउन्टर ले गर्दा शिखरकोट बजार अस्थब्यस्थ हुने गरेको ,ट्राफिक समस्या ,दुर्घटना हुने जस्ता कारणले छिटो भन्दा छिटो बसपार्क संचालन गर्नुपर्ने भन्दै ज्ञापनपत्र दियको स्थानिय युवा लब कुमार केसी ले बताउनुभयो।
बसपार्क संचालनमा ल्याउन मेयर बिष्ट सकारात्मक रहेकोले बाटो ढलान कार्य पूरा हुनासाथ काउन्टर सारेर बसपार्क संचालन गर्न तयार रहेको केसी ले जानकारी दिनुभयो।
ज्ञापनपत्र बुझाउन स्थानिय युवाहरुको टोलि नगरपालिकामा मेयर बिष्टको कार्यकक्षमा पुगेका थिय।
थाहा ४ थानाबजार को नार्खुढाडमा २०७५ सालदेखी निर्माण सुरु गरेको बसपार्कमा हाल बसपार्क सम्म पुग्ने सडक पक्की ढलान अन्तिम चरणमा पुगेको छ भने ,काउन्टर,शौचालय निर्माण भै सकेको छ।मेयर बिष्टको प्रतिबद्धता पछि स्थानिय युवाहरु उत्साहित भएका छन।