चम्पेश्वर आधारभुत विद्यालयको ६३ औं वार्षिकोत्सव सम्पन्न

थाहा १० बिसिङ्खेलमा रहेको चम्पेश्वर आधारभुत विद्यालयले आफ्नो ६३ औं वार्षिकोत्सब तथा अभिभावक दिवस सम्पन्न गरेको छ । विद्यालय व्यवस्थापन समितिका अध्यक्ष खिन्द्र बहादुर थापाकोको अध्यक्षतामा ६३ औ वार्षिकोत्सव तथा अभिभावक दिवस कार्यक्रम स्कुल प्राङ्गणमा सोमबार सम्पन्न भएको हो ।
कार्यक्रमका प्रमुख अतिथि एवम् थाहा नगरपालिकाका नगर प्रमुख बिष्णु बिष्टले सामुदायिक विद्यालयको उचित ब्यवस्थापन गरि ब्यावहारिक तथा रोजगार मूलक शिक्षामा लाग्न जोड दिए । बिष्टले सामुदायिक विद्यालयलाई अगाडी बढाउन आफ्नो तथा नगरपालिकाको तर्फबाट हर कदम सहयोग गर्न तयार रहेको बताउँदै गुणस्तरीय शिक्षाका लागी स्थानीय सरकार लागिरहेको भन्दै उनले त्यसमा अभिभावक, शिक्षक, विद्यार्थीहरु सबै लागी गुणस्तरीय शिक्षामा ध्यान दिनुपर्ने बताए ।

कार्यक्रममा विद्यालयको तर्फबाट वार्षिक प्रगति प्रतिवेदन प्रधानाध्यापक बिनोद सुवेदीले प्रस्तुत गर्नु भएको थियो ।
सुवेदीले विद्यालयमा १ सय १५ जना विद्यार्थीहरुले अध्ययन गरिरहेको, विद्यालयमा अध्ययनरत विद्यार्थीहरुलाई विद्यालय तथा विभिन्न संस्था तथा ब्यक्तिहरु तथा नगरपालिकाले सहयोग प्रदान गर्दै आएको बताए।उनले विद्यालयको समग्र अवस्थाबारे प्रकाश पारे ।
यसैबीच विद्यालयका विभिन्न विधामा उत्कृष्ट विद्यार्थीलाई पुरस्कार तथा पुर्व विद्यार्थी बैकुण्ठ थापा र पुर्व जनप्रतिनिधि रामकृष्ण गमालले उपलब्ध गराएको शैक्षिक सामाग्री  प्रदान गरिएको थियो।
कार्यक्रममा थाहा नगरपालिका शिक्षा शाखा अधिकृत सुर्य बहादुर थिङ,विद्यालय व्यवस्थापन समितिका पुर्व अध्यक्ष रमेश मगर,पुर्व विद्यार्थी तथा राष्ट्रिय स्वतन्त्र पार्टी र्याट बिभाग प्रमुख बैकुण्ठ थापा,पुर्व जनप्रतिनिधि रामकृष्ण गमाल,नाट्यश्वर माबिका प्रधानाध्यापक धर्मेन्द्र अर्याल,पुर्व जनप्रतिनिधि दिपक गोपालीले शुभकामना मन्तव्य दिएका थिए।
कार्यक्रममा थाहा १० का वडा सदस्य बिनोद कुमार बस्नेत,इलाका प्रहरी कार्यालय चित्लाङका प्रहरी सहायक निरीक्षक लालमणी सिवाकोटी,टौखेल सहरी स्वास्थ्य केन्द्रका प्रमुख जोकमान बलामी,पुर्व अध्यक्ष कर्ण बहादुर गोपाली,शिक्षक अभिभावक संघका अध्यक्ष राजन थापा लगायत शिक्षक,अभिभावक,विद्यार्थी,व्यवस्थापन समितिका सदस्यहरुको उपस्थिति रहेको थियो।