गोले तामाङ वंश उत्थान समाजको आठौं राष्ट्रिय भेला तथा एघारौं साधारणसभा जेठ ४ गते  मकवानपुर जिल्लाको थाहा न.पा. वडा न. ७ डाँडाबासमा सम्पन्न भएको छ।
समाजका अध्यक्ष मीन गोले तामाङको अध्यक्षता तथा समाजका सल्लाहकार समेत रहेका पुर्व मन्त्री मणि लामा गोलेको प्रमुख आतिथ्यतामा कार्यक्रम सम्पन्न भएको हो। बिश्वभरका सम्पुर्ण गोले वंशहरुलाई भेला गराउने उद्देश्य सहित कार्यक्रम आयोजना गरिएको समाजको अध्यक्ष मीन गोले तामाङले बताउनुभयो।
कार्यक्रममा थाहा नगरपालिकाका उपप्रमुख भरत गोपाली,समाजका संस्थापक अध्यक्ष जय प्रसाद गोले,समाजका सल्लाहकार तथा पुर्व मन्त्री दावा गोले,नेपाल तामाङ घेदुङका अध्यक्ष मोहन गोले,अल इन्डिया बुद्धिस्ट एशोसियसन भारतका केन्द्रिय सदस्य निप्चन गोले,केन्द्रिय सदस्य तथा चिफ प्याटर्न बिक्रम गोले,लगायतकाले सम्मेलन सफलताको शुभकामना मन्तव्य व्यक्त गर्नुभएको थियो।
सम्मेलनमा गोले बंश बाट प्रतिनिधित्व गर्दै निर्वाचित भएका सांसद,प्रदेश सांसद,गाउँपालिका तथा नगरपालिकाका जनप्रतिनिधि तथा कार्यपालिका सदस्यहरुलाई सम्मान गरिएको थियो भने लाप्तावा,लावोन,बोन्वो हरु क्रमशःकान्छा बोन्वो थाङ्पाल गुन्सा,सिन्धुपाल्चोक,मोतिलाल गोले लच्याङ नुवाकोट,राम बहादुर गोले,थाहा ६ ,राम बहादुर गोले थाहा ७ सहित ४५ जना सहयोगीलाई सम्मानपत्र द्वारा सम्मानित गरिएको थियो।
सम्मेलनमा अध्यक्ष द्वारा वार्षिक प्रतिवेदन तथा कोषाध्यक्ष द्वारा आर्थिक प्रतिवेदन समेत प्रस्तुत गरिएको थियो।
समाजका केन्द्रिय उपमहासचिव शुभराज गोले द्वारा संचालन भएको कार्यक्रममा देश तथा विदेश र भारतको सिक्किम,दार्जलिङ र देशका सातै प्रदेशबाट गरि ५ सय भन्दा बढी गोले बन्धुहरुको सहभागिता रहेको आयोजकले जानकारी दिएको छ। 
भेलाले गोलेको ऐतिहासिक थातथलो किपटभूमि सिन्धुपाल्चोकको थाङपाल र नुवाकोट लच्याङ ऐतिहासिक सम्पदाको संरक्षण गर्ने पनि जनाएको छ ।