कोशिस द्धारा थाहा नगरपालिकामा मानसिक स्वास्थ्य सम्बन्धि दुई दिने अभिमुखिकरण कार्यक्रम संचालन

कोशिश, राष्ट्रिय मानसिक स्वास्थ्य स्वाबलम्वन संगठनले मकवानपुर जिल्लाकाे थाहा  नगरपालिकामा रहेका स्वास्थ्य चाैकि इन्चार्ज, स्कुल नर्स लाई र थाहा नगरपालिका वडा नं २का महिला समूह लाई मानसिक स्वास्थ्य सम्बन्धि दुई दिने अभिमुखिकरण कार्यक्रम संचालन गरेको छ । 
थाहा नगरपालिका स्वास्थ्य शाखा सँग समन्वय गरेर अभिमुखिकरण कार्यक्रम संचालन गरेको हो ।
कार्यक्रममा मानसिक स्वास्थ्य तथा मनोमाजिक समस्या कसरी उत्पन्न हुन्छ? कसरी पहिचान गर्ने, सहयोगको लागि के गर्ने भन्ने विषयमा कोशिशका बरिष्ट सामाजिक कार्यकर्ता मन्जु क्षेत्रिले सहजीकरण गरेकी थिइन् ।
 कोशिशले मानसिक स्वास्थ्यको क्षेत्रमा हालसम्म गर्दै आएको कार्यहरुको बारेमा बागमति प्रदेश फाेकल पर्सन सकुन्तला पाैडेलले जानकारी गराउनुभएको थियो।
कार्यक्रमकै अवसरमा थाहा  नगरपालिकाका बज्रबाराही स्वास्थ्य संस्थाका प्रमुख जिनु डंगाेलले  लैङ्गिक हिंसा तथा कुनै पनि हिंसाका कारण मानसिक स्वास्थ्य समस्या बढ्ने हुँदा सम्बन्धित व्यक्तिको चासो रहनुपर्ने कुरा औल्याउदै थाहाले मानसिक स्वास्थ्य प्राथमिकतामा राखि थाहानगरपालिका भित्र रहेका मनाेसामाजिक समस्या भाेगिरहेका ब्यक्तिहरुका लागि महिना मा एक पटक मनाेचित्सकिय सेवा प्रबाह गरिरहेको जानकारि गराउनु  भएको थियो ।
मानसिक समस्या भएका व्यक्तिहरुलाइ पहिचान गर्न र सम्बन्धित ठाउँमा रेफर गर्न सक्ने वातावरण होस् भन्ने उद्धेश्यले महिला समूह, स्वास्थ्य शाखा इन्र्चाज तथा स्वास्थ्यकर्मीहरुको लागि कार्यक्रम आयोजना गरिएको मन्जु क्षेत्रीले बताउनुभयो ।
२०६५ सालमा स्थापना भएको कोशिश संस्थाले मानसिक स्वास्थ्य तथा मनाेसामाजिक अपांगताका  क्षेत्रमा सक्रृय  रुपमा काम गर्दै आइरहेको काेशिशका सकुन्तला पाैडेल बताउछिन।
कार्यक्रममा ६५ जनाको उपस्थिति रहेको थियो।