कोरोना महामारीले रोकियको कृष्ण जात्रा यसबर्ष भब्य हुने,घैटो फुटाइ संगै लिटिल कृष्ण प्रतियोगिता हुने,

कृष्णाष्टमीको अवसरमा थाहा नगरपालिकाको शिखरकोटमा ४ भाद्र दिउँसाे घैटो फुटाई प्रतियोगिता हुने भएको छ । 
वर्षेनी हुने यो प्रतियोगितामा मकवानपुरसहित धादिङका समेत सहभागी हुने गरेका छन् । शिखर क्लब तथा बजार व्यवस्थापन समितिको आयेजना हुने प्रतियोगिता भब्यताका साथ सम्पन्न हुने छ जात्राको  अवसरमा  यहि भाद्र ४गते घैटो फुटाइ कार्यक्रमको साथमा बृहत साँस्कृतिक कार्यक्रम सञ्चालन हुने भएको छ । कार्यक्रममा सदा झै सभ्य र भव्य बनाइ सफल पार्नका निम्ती सहभागिताको लागि आयोजकले सम्पूर्णमा निमन्त्रणा गरेको छ ।
बिगत दुईबर्ष देखि कोरोना महामारीको कारण स्थगित भएको जात्रा यस बर्ष भब्यरुपले आयोजना गर्न लागियको बजार ब्यबस्थापन समितिका अध्यक्ष मनोज रायमाझीले जानकारी दिय।रायमाझीका अनुसार यश बर्ष एतिहासिक घैटो फुटाउने कार्यक्रम सहित बच्चा हरुको लागि लिटिल कृष्ण प्रतियोगिता २०७९ को पनि आयोजना हुनेछ।
लिटिल कृष्ण प्रतियोगितामा सहभागी हुनको लागि २ बर्ष देखि १० बर्ष सम्मका आफ्ना नानिबाबु हरुलाई प्रतियोगितामा सहभागी गराउन आयोजकले आग्रह गरेको छ ,आफ्ना नानिबाबु लाई भगवान कृष्णको बाल अबतारको रुपमा प्रस्तुत गर्नुपर्ने छ प्रतियोगिता भदौ ३ गते कृष्ण पुजाको दिन हुने छ भने प्रतियोगितामा प्रथम ,दोश्रो ,तेश्रो,हुनेलाइ क्रमश : ५ हजार,३ हजार,र २ हजार नगद पुरस्कार प्राप्त गर्नेछन ,प्रतियोगितामा भागलिनको निम्ति आफ्ना नानिबाबुको नाम बजार ब्यबस्थापन समिती शिखरकोटमा नाम दर्ता गराउनुपर्ने आयोजकले जानकारी दियको छ तेसैगरी घैटो फुटाउने प्रतियोगितामा प्रथम हुने टिमले २० हजार,दोश्रोले १३ हजार तथा तेश्रो हुनेले ७ हजार नगद तथा प्रमाणपत्र प्राप्त गर्ने छ।
घैटो फुटाउने प्रतियोगिताको लागि प्रथम पुरस्कार थाहा ४ किटेनिका युवा ब्याबसायी ,समाजसेवी तथा साझा रोडा ढुङ्गा उद्योग का संचालक रामराजा केसिले प्रायोजन गरेका छन।
लिटिल कृष्ण प्रतियोगिता भदौ ३ गते ११ बजे देखि तथा घैटो फुटाउने प्रतियोगिता तथा सास्कृतिक कार्यक्रम भदौ ४ गते हुने आयोजकले जनायको छ।