कृष्ण जात्राको अवसरमा थाहा खाना महोत्सव हुदै

फोटो फाइल

मकवानपुर जिल्लाकै धेरै मानिसहरुले अवलोकन गर्ने जात्राको रुपमा परिचित थाहा नगरमा संचालन हुने इन्द्रायणी माइको जात्रा,बज्रबाराही अजिमाको जात्रा पछिको अत्याधिक भिड हुने जात्राको रुपमा हेरिने थाहाको शिखरकोटमा लाग्ने श्रीकृष्ण जन्माष्टमी जात्रामा फुड फेस्टिभल समेत हुने भएको छ

जात्राको अवसर पारेर थाहा नगरपालिकाको पर्यटन शाखाको सहकार्यमा रैथाने खाना महोत्सबको आयोजना हुन् लागेको जात्रा व्यवस्थापन समितिका संयोजक यादब रायमाझीले बताउनुभयो

रायमाझीका अनुसार मेला अवधिभर हुने खाना महोत्सवको लागि स्टल बुकिंग खुल्ला गरिसकेको जानकारी गराउदै नगरपालिका भित्र रहेका कसैले रैथाने खाना स्टल राख्न इच्छुक हुनेले सम्बन्धित वडा कार्यालयबाट सिफारिसका साथ् आएमा निशुल्क स्टल उपलब्ध गराइने छ

अगाडिको बर्षमा पनि हली नेवा गुठी संगको सहकार्यमा नेवारी खानाको स्टल राखिएको बताउदै यो बर्ष बृहत रुपमा थाहा फुड फेस्तिभल नाम नै दिएर थाहा नगर संगको सहकार्यमा खाना महोत्सवको आयोजना गर्न लागेको जात्रा व्यवस्थापन समितिका सह संयोजक समेत रहेका शिखर क्लवका अध्यक्ष विश्व अर्यालले जानकारी दिए

श्रावण ३० गते देखि सुरु भएर भदौ १ गते समापन हुने जात्रामा यसपटक खाना महोत्सव सहित ख्यातिप्राप्त राष्ट्रिय कलाकारहरु धिरज राइ,प्रतिमा अर्याल ,बिश्व दोंग लगाएतका कलाकारहरुको प्रस्तुति सहित लाइभ लोकदोहोरी समेत हुने आयोजकले जनाएको छ

जात्रामा स्थानीय सास्कृतिक झाकी सहित ५ बर्ष मुनीका नानी बाबुहरुको लिटल राधाकृष्ण प्रतियोगिता सहित प्रदर्शनी समेत हुने छ भने अन्तिम दिन घैटो फुटाइ कार्यक्रम हुने बजार व्यबस्थापन शिखारकोटका अध्यक्ष मनोज रायमाझीले जानकारी दिए