कुलेखानीको रोयल्टी थाहा नगरको हकको विषय हो'-नगर प्रमुख बिष्ट

थाहा नगरपालिकाका प्रमुख बिष्णु बिष्टले कुलेखानी बाट प्राप्त हुने जल विद्युत रोयल्टी थाहा नगरपालिकालाई धेरै हुनुपर्नेमा जोड दिनु भएको छ।
जेठ ४ गते संघिय जलाधार व्यवस्थापन श्रोत केन्द्र कुलेखानीले थाहा नगरपालिकाको कार्यालयमा आयोजना गरेको कुलेखानी सुरक्षित जलाधार क्षेत्रको घोषणाको लागि पूर्व तयारी छलफल कार्यक्रममा प्रमुख बिष्टले उक्त कुरामा जोड दिनुभएको हो।

प्रमुख बिष्टले कुलेखानी जलाशयको संरक्षणमा स्थानीय समुदाय र नगरपालिकाको दीर्घकालीन योगदानको चर्चा गर्दै भने,
"हामीले जलाधार क्षेत्र जोगाउन गरेका प्रयासहरूका कारण कुलेखानी जलाशय अझै कायम छ। त्यसैले कुलेखानीबाट प्राप्त हुने जल–विद्युत रोयल्टीमा थाहा नगरलाई प्राथमिकता दिनु आवश्यक छ।"
उहाँले संरक्षणलाई प्रोत्साहन गर्न स्थानीय सरकारलाई समावेशी र न्यायोचित लाभ वितरण प्रणाली आवश्यक भएको पनि बताए।
कार्यक्रममा भु संरक्षण बिभागका वरिष्ठ अधिकृत हरीबंश आचार्यले  कुलेखानी क्षेत्रलाई सुरक्षित जलाधार क्षेत्रको रूपमा घोषणा गर्न आवश्यक नीति, संरचना, समुदायको भूमिका र सम्भावित प्रभावबारे सहजीकरण गरेका थिए। 

कार्यक्रमलमा  स्थानीय तह, प्रदेश तथा संघीय सरकारबीच समन्वयमार्फत दीर्घकालीन संरक्षण रणनीति निर्माण र स्रोत साधनको न्यायोचित बाँडफाँटमा ध्यान दिनुपर्ने निष्कर्ष निकाल्दै सामूहिक पहलमार्फत जलाधार क्षेत्रको संरक्षणमा थप सक्रियता देखाउने प्रतिबद्धता जनाए।
कार्यक्रममा थाहा नगरपालिकाका उपप्रमुख भरत गोपाली,प्रमुख प्रशासकीय अधिकृत सुरेन्द्र प्रधान,भु संरक्षण बिभागका भु संरक्षण अधिकृत बिजय पुरी 
शान्त कुमार शाही,कुलेखानी जलाधारका  निमित्त भु संरक्षण अधिकृत बिष्णु कुमारी अधिकारी  
संघिय जलाधार व्यवस्थापन श्रोत केन्द्र कुलेखानीका 
भु संरक्षण सहायक निश्चल अधिकारी लगायतका उपस्थिति रहेको थियो।