किशोरी र महिलाहरुको लागि लैङ्गिक हिंसा बिरुद्ध अभिमुखिकरण

थाहा नगरका किशोरी समूह तथा महिलाहरुको लागि लैङ्गिक हलागी,बाल बिबाह,मनोसामाजिक समस्या तथा प्रजनन स्वास्थ्य सम्बन्धी अभिमुखीकरण सचेतना गराईएको छ ।
बागमती प्रदेश सरकार सामाजिक बिकास मन्त्रालय तथा थाहा नगरपालिकाको सहयोग तथा लालीगुराँस महिला बहुउद्देश्यीय सहकारी संस्थाको आयोजनामा  किशोरी तथा महिला हरुलाई दुई दिने जनचेतनामुलक कार्यक्रम गराईएको हो ।
 आयोजक संस्थाका अध्यक्ष रिता प्रधानले पछिल्ला दिनमा बालिका, किशोरी एव महिलामाथि लैङ्गिक हिंसा भईरहेका बेला रोकथामका लागि किशोरीहरुलाई कानुन एव आत्मरक्षा बारे सचेत गराउन कार्यक्रमको आयोजना गरेको  बताइन । 
ईलाका प्रहरी कार्यालय पालुङका प्रमुख दुर्गा खनालले किशोरीहरुलाई कसरी लैङिक हिंसाबाट बाँच्ने भन्ने बारे अभिमुखिकरण गराएका थिए ।
उनले लैङिक हिंसा रोकथाम एव निदानका लागि शिक्षामा जोडदिदै सचेत हुनुपर्नेमा सुझाव दिनुभयो । 
समुदाय प्रहरी अन्तर्गत ईलाका प्रहरी कार्यालय पालुङ ले सहजीकरण गरेको कार्यक्रममा ईलाका प्रहरी कार्यालय प्रमुख दुर्गा खनाल,थाहा नगरपालिका महिला बिकास शाखा प्रमुख प्रतिमा मोक्तान,सामाजिक बिकास शाखा प्रमुख अनिल लामिछाने तथा मनो सामाजिककर्ता सुनिता बस्नेतले सहजीकरण गरेको कार्यक्रम सोमबार सम्म चल्ने लालीगुराँस महिला बहुउद्देश्यीय सहकारीका अध्यक्ष रिता प्रधानले जानकारी दिनुभयो ।