कर्मचारीलाई नगरप्रमुख बिष्टको निर्देशन:-प्राप्त उपलब्धिको संरक्षण गर्दै काम गर्नु।

थाहा नगरपालिकाका प्रमुख बिष्णु बिष्ट आदर्शले पालिकाका उपलब्धि हरुलाई संस्थागत गर्दै काम गर्न निर्देशन दिएका छन।
नगर प्रमुख बिष्टले आर्थिक बर्ष २०८०/०८१ को वार्षिक समिक्षा कार्यक्रमको समापन गर्दै सो कुरा बताएका हुन।
बिष्टले पालिकाको योजना तर्जुमामा कुनै गल्ती कमजोरी भएको भए तेसलाइ सुधारेर अगाडि बढ्नुपर्ने बताए।उनले रुपचन्द्र बिष्टको दर्शन थाहा बाट पालिकाको नामाकरण भएको हुँदा पालिका शुसासन र पारदर्शीमा सधै अग्रसर हुनुपर्नेमा जोड दिदै संघ्र प्रदेशले गर्ने अनुगमनका पाटालाइ कार्यान्वयन गर्दै आएको बताउदै जिल्लाकै अग्रणी पालिकाको रुपमा स्थापित गर्न जनप्रतिनिधि र कर्मचारी हरुको भुमिका नङ र मासुको जस्तो हुनुपर्नेमा जोड दिनुभयो। उनले पालिका र वडा बाट हुने सेवा प्रवाहमा थप निगरानी र जनमुखी हुनुपर्ने औल्याउँदै योजना तर्जुमा तथा कार्यान्वयनमा लाभान्वितहरुको माग र उपस्थिति लाई ख्याल गरेर अगाडि बढ्नु पर्ने बताए।
नगर प्रमुख बिष्टले पालिकामा प्रमुख प्रशासकिय अधिकृतको रुपमा कृष्ण गिरी आउनुभएपछी धेरै कुरामा परिवर्तन आएको बताउदै परिवर्तित उपलब्धिको संस्थागत गर्नु कर्मचारी र जनप्रतिनिधिको दाइत्व भएको बताउनुभयो ।
नगरपालिकाले आर्थिक बर्ष २०८०/०८१ को प्रगती प्रतिवेदन समेत पारित गरेको छ।
समिक्षा कार्यक्रममा नगर उपप्रमुख भरत गोपाली,प्रमुख प्रशासकिय अधिकृत कृष्ण गिरी,वडा अध्यक्षहरु,कार्यपालिका सदस्यहरु,शाखा प्रमुख हरुको उपस्थिति रहेको थियो।