कबड्डिमा राष्ट्रिय पदक विजेता निश्कला बिष्ट लाई जकमावी द्वारा सम्मान,

नेपाल सरकार युवा तथा खेलकुद मन्त्रालयको तत्ववधान तथा राष्ट्रिय खेलकुद परिषदको आयोजनामा गत बैशाख १५ देखि १७ सम्म काठमाडौमा सम्पन्न  राष्ट्रपति रनिङ शिल्ड प्रतियाेगिताकाे कवड्डी तर्फकाे राष्ट्रिय प्रतियाेगितामा द्वितीय स्थान हासिल गर्न सफल भएकी जनकल्याण माबिकी छात्रा निश्कला बिष्टलाई  विद्यालयले एक कार्यक्रमको आयोजना गरि  सम्मान गरेको छ।
बैशाख २१ गते विद्यालयले औपचारिक कार्यक्रमको आयोजना गरि खेलाडी बिष्ट लाई नगद सहित सम्मान गरेको हो।
  जनकल्याण माबिमा कक्षा ११ मा मानविकी संकायमा अध्यनरत बिष्टले थाहानगर छनाेटमा प्रथम, जिल्ला स्थरिय छनाेट, प्रदेश स्तरिय छनाेट हुँदै राष्ट्रिय प्रतियाेगिताकाे लागि छनाेट भएकि थिइन् ।
 थाहानगरकाे कुनै पनि खेलाडीकाे लागि याे एेतिहासिक सफलता भएकाेले नगरपालिकाको गौरव बढेको विद्यालयका प्रधानाध्यापक सानोभाइ कार्कीले बताए।
विद्यालय व्यवस्थापन समितिका अध्यक्ष राजिव कुमार स्याङ्तानको अध्यक्षतामा भएको कार्यक्रममा प्रमुख अतिथि वडा न ३ का अध्यक्ष हिरेन्द्र कुमार रायमाझीले विजेता खेलाडी निश्कला बिष्ट लाई सम्मानपत्र प्रदान गरेका थिय।
कार्यक्रममा विद्यालयका अतिरिक्त क्रियाकलाप संयोजक शिक्षक रामकुमार बल,कवड्डी प्रशिक्षक राखी लामा,शिक्षक महासंघ थाहाका अध्यक्ष राजाराम कार्की ,सहायक प्रधानाध्यापक कृष्ण बहादुर बिष्ट लगायत शिक्षक तथा कक्षा ११ का विद्यार्थी हरुको उपस्थिति रहेको थियो।