ऐतिहासिक रुपमा नेपाल सम्बतको महत्व बढेर गएको छ:-उपप्रमुख गोपाली

थाहा नगरपालिकाका उपप्रमुख भरत गोपालीले नेपालमा धार्मिक र सांस्कृतिक पर्वहरुको चलन रहेकाले ऐतिहासिक रुपमा नेपाल सम्बतको महत्व बढेर गएको बताउनुभएको छ ।
नेपाल सम्बत ११४४ नयाँ वर्ष शुभारम्भ भएको दिनको अवसरमा थाहा नगरपालिकाको पालुङ बाट  निकालिएको र्यालीपछि गोपाली गाउँमा आयोजित शुभकामना आदानप्रदान कार्यक्रममा उहाँले सो धारणा राख्नुभएको हो । जनताको ऋण तिरेर दासत्वबाट मुक्ति दिलाउँदै राष्ट्रिय विभूति शंखधर साख्वाःले शुरु गर्नुभएको यस सम्बतलाई राष्ट्रिय सम्बत मात्र होइन अन्तराष्ट्रिय सम्बतको मान्यता पाउने विश्वास लिएको धारणा राख्नुभयो ।
उपप्रमुख गोपालीले नयाँ वर्षको शुरुवात भएसँगै देशमा शान्ति, उन्नति प्रगति कायम  हुने चाहना व्यक्त गरे।
र्याली सुरुवात अगाडी उपप्रमुख भरत गोपालीले सदाझै पालुङको लाम्पाटी अगाडि रहेको राष्ट्रिय झण्डालाई झण्डोतलन गरि सुरुवात गरेका थिए।
कार्यक्रममा सहभागी जातीय भेषभुषामा सजिएका नेवार समुदाय र गैर नेवार समुदायका मासिनहरुबीच भेटघाट, शुभकामना आदान–प्रदान र नेवारी परिकारका खानेकुरा खुवाइएको पालुङ भिन्तुना समितीका संयोजक बिजय बिक्रम श्रेष्ठले बताए।
 भिन्तुना आयोजक समिती गोपाली गाउँका अध्यक्ष विकेश गोपालीको अध्यक्षतामा सम्पन्न शुभकामना आदानप्रदान कार्यक्रममा प्रमुख अतिथी थाहा नगर उपप्रमुख भरत गोपाली सहित पालुङ भिन्तुना संयोजक बिजय बिक्रम श्रेष्ठ ,ल्याम्ह पुच ओखरबजार अध्यक्ष सुविन्द्रमान प्रधान गोजिरियो कराते प्रशिक्षक मानसिंह दोङ ,ओखरबजार हितकारी समूह अध्यक्ष संजय प्रधान
गोपालि गाउँका कजि जगत बहादुर गोपाली,बुद्ध गोपाली,खिँ गुरु सुरज गोपाली,ओखरबजारका खिँ गुरु धर्मलाल प्रधान लगाएतका उपस्तिथि रहेको थियो।
नेपाल सम्बत ११४४ को अवसरमा बज्रबाराहिमा पनि शुभकामना र्याली निकाली शुभकामना आदानप्रदान कार्यक्रम गरिएको थियो।
बज्रबाराहीमा आयोजित कार्यक्रममा पनि थाहा नगरपालिकाका उपप्रमुख भरत गोपालीले सहभागिता जनाएका थिए ।