एकीकृत अखिल नेपाल शिक्षक संगठन थाहाको परिषद भेला सम्पन्न

नेकपा माओवादी केन्द्र निकट एकिकृत अखिल नेपाल शिक्षक संगठन थाहा नगरपालिकाको प्रथम परिषद भेला शनिवार शिखरकोटको शंकर होटलको सभाहलमा सम्पन्न भएको छ । 
संगठनका थाहा नगरपालिका अध्यक्ष मनोज रायमाझीको अध्यक्षता एवम् बागमती प्रदेश सामाजिक बिकास मन्त्री कुमारी मोक्तानको प्रमुख आतिथ्यता र थाहा नगर प्रमुख समेत रहेका माओवादी थाहा नगर इन्चार्ज बिष्णु बिष्ट आदर्शको बिशिस्ट आतिथ्यतामा भेला सम्पन्न भएको हो । भेलालाई नेपाल राष्ट्रिय प्राध्यापक संघका केन्द्रिय सदस्य हरीकृष्ण कार्की ,नेकपा माओवादी केन्द्रका थाहा नगरपालिका अध्यक्ष बिनोद कुमार लामा, एकिकृत अखिल नेपाल शिक्षक संगठन मकवानपुरका अध्यक्ष वसन्त राइ,उपाध्यक्ष राजाराम कार्की,केन्द्रिय परिषद सदस्य जंगबहादुर लामा,प्रदेश परिषद सदस्य राजकुमार कार्की,दिपक बिष्ट,प्रदेश सदस्य दिपा बल,   लगायतका वक्ताहरुले शुभकामना मन्तव्य व्यक्त गरेका थिए ।
कार्यक्रममा नेपाल समाजवादी राष्ट्रिय शिक्षक संगठन  परित्याग गरि बिष्णु वाइवा एकीकृत अखिल नेपाल शिक्षक संगठनमा प्रवेश गरेका थिए।
कार्यक्रमलाई सम्बोधन गर्दै माओवादी केन्द्रका थाहा नगर इन्चार्ज तथा नगर प्रमुख समेत रहेक बिष्णु बिष्टले देशमा आमुल परिवर्तन ल्याउन शिक्षकहरुको महत्वपूर्ण भुमिका रहेकोले अब समाजवादी आन्दोलनमा शिक्षकहरुको भुमिका आवश्यक रहेको बताउनुभयो । उहाँले शिक्षकहरुलाई आस्थाको आधारमा भेदभाव गर्न नहुने बताउनुभयो । 

तेसै गरि प्रमुख अतिथी माओवादी मकवानपुर जिल्ला इन्चार्ज तथा बागमती प्रदेश सामाजिक बिकास मन्त्री कुमारी मोक्तानले अन्य संगठन भन्दा फरक ढंगवाट शैक्षिक शत्रको गुणस्तरीयता बढाउन लागिपर्नु पर्ने र एकिकृत अखिल नेपाल शिक्षक संगठनमा आवद्ध साथीहरुलाई आवश्यक साथ सहयोगको लागि पार्टि प्रदेश सरकार लाग्ने प्रतिवद्धता जनाउनु भयो ।
भेलाले सदस्यता अभियान सञ्चालन, शिक्षकहरुविच अन्तरक्रिया तथा सङ्गठन सुदृढिकरण लगायतका प्रस्तावहरुमा छलफल गरी निर्णय भएको छ भने उक्त भेला तथा प्रशिक्षणबाट सदस्यता वितरण नविकरण, शिक्षकका समस्या र गुनासोको बारेमा छलफल तथा संगठन सुदृढिकरणको विषयमा रणनीति तय गर्दै कार्यक्रम सम्पन्न भएको थियो ।