ऋषेश्वर र करुणाभुमीको बनमा निश्चित क्षेत्रमा घाँस ,दाउरा,पत्तकर ओसारपसार निषेध ।

थाहा नगरको करुणाभुमी सामुदायिक बन उपभोक्ता समिती,ऋषेश्वर सामुदायिक बन उपभोक्ता समिती र भिमफेदी गाउँपालिकाको झिरघारी सामुदायिक बन उपभोक्ता समिती र करुणाभुमीको सिमाना छेउछाउमा पर्ने निश्चित क्षेत्रमा बन पैदावर घाँस ,दाउरा ,पत्तकर र चरिचरण अर्को सूचना जारी नहुन्जेलको लागि पुर्ण रुपमा बन्द गरियको छ।यश बन बाट उपभोक्ताहरुले नियमित रुपमा बन पैदावर उपभोग गर्दै आइरहेपनी हाल आएर जथाभावी स्याउला,पत्तकर ,दाउरा ओसारपसार र बिक्रीवितरण भै अन्य क्षेत्रमा पनि ओसारपसार हुन थालेको र जथाभावी रुख काट्दा पानीको मुहान र पर्याबरणमा पनि असर गरेको भन्दै गुनासो बढेपछि ईलाका बन कार्यालय पालुङ ,सरोकारवाला ,उपभोक्ता समिती ,सिमभन्ज्याङ खानेपानी उपभोक्ता समिती ,झिरघारी खानेपानी ,स्थानीय लगायतका सरोकारवाला हरुको आज बसेको छलफल बाट उक्त निर्णय गरेको हो ।
सरोकारवाला हरुको छलफलले बन भित्र रहेको खानेपानीको मुहान र पर्यावरणिय पर्यटन मा असर परेको भन्दै ऋषेश्वर र करुणाभुमी भित्र पर्ने पुर्वमा पोखरी कान्ला,सिस्ने खलंगा ,दक्षिणमा मैत्री बगैंचा र बसिफाट मोड,पश्चिममा तारे भिर ,सर्घारी मोड ,उत्तरमा ऋषेश्वर मोड र पानोरोमा मोड ,टावर कान्ला क्षेत्रभित्र दाउरा घाँस ,पत्तकर ,सोत्तर र चरिचरण पुर्नरुपमा अर्को सूचना जारी नहुन्जेलको लागि बन्द गरियको ऋषेश्वर सामुदायिक बन उपभोक्ता समितिका उपाध्यक्ष बिनोद के सी ले जानकारी दिनुभयको छ।तेस्तै बन पैदावर चोरी निकासी ,चरिचरण रोकथाम को लागि स्थानिय आफै जागरुक हुनुपर्ने भन्दै रोकथाम नियन्त्रण गर्न सिमभन्ज्याङ बजार ब्यबस्थापन समितिलाइ जिम्मेवारी दियको छ।
निषेधित क्षेत्र भन्दा बाहिरबाट भने दाउरा र पत्तकर लेराउन पाइने छ।