ऋषेश्वर टोल बिकास संस्था द्वारा नगर प्रमुख र वडा अध्यक्षलाई धन्यवाद

दावा सेर्पा/ दामन,थाहापाटी,

दामनको एभरेष्ट युवा बिकास क्लब र बजार व्यवस्थापन समितिको सहकार्यमा  बिगत देखिनै दामन स्थित दृश्यावलोकन स्थल सेल्फी डाँडाको बिकास,निर्माण र प्रवर्द्धनको निम्ति तल्लिन रहेको छ।

 नगर प्रमुख र सम्बन्धित वडा प्रमुखद्वारा भएको प्रत्यक्ष अनुगमनको आधारमा सेल्फी डाडालाइ बजेट पारित भएको छ।
यस विषयले स्थानीयहरु हौसिएका छन् र अब दामनको-सिमभन्ज्याङ्को सर्वाङ्गिण पर्यटन बिकास,निर्माण र प्रचारप्रसार हुने कुरोमा पनि आसाबादी भएका छन् । स्थानीय संस्था द्वयले मिति २०७५ साल देखि  सो ऐतिहासिक र दृश्यावलोकन स्थलको बिकास एवम् प्रचारप्रसारको निम्ति धेरै क्रियाकलापहरु गर्दै आईरहेका छन्।

उक्त स्थानमा २०३४ सालमा स्व.हरि बहादुर प्रधानद्वारा निर्मित बिद्याकी देवि सरस्वतीको मन्दिर र त्रिभुवन राजपथ निर्माण हुँदाखेरी दिबंगत भएका ६ जना भारतीय नागरिकहरुको सम्झनामा बनाईएको  स्तम्भ पनि जस्ताको त्यस्तै रहेको अनि त्यहाँबाट (The Land Of Fertility) थाहा उपत्यकाको साथै सगरमाथादेखि लिएर अनेकौं हिमशृङ्खलाहरुको अद्भुत दृश्यावलोकन गर्न सकिने बिशेषताहरु भएर नै  सो स्थानलाई स्थानीयहरुले  प्राथमिकतामा राखेको हो।