ऋषेश्वरमा लाग्ने मेला भब्यरुपमा सम्पन्न ।

परापुर्ब काल देखि नै थाहा नगरपालिका-४, स्थित दामनको ऋषेश्वर महादेव मन्दिरमा लाग्ने बृहत फागु पुर्णिमा मेला यस वर्ष  भब्यताका साथ सम्पन्न भएको छ।                          यस वर्ष मकवानपुरको  छिमेकी जिल्लाहरु धादिङ,काठमाडौ,चितवन,बारा,पर्सा देखि मेला भर्न आएका भक्तजन,धार्मिक पर्यटन तथा फागु खेल्न आएका धार्मिक पर्यटक तथा स्थानिय थाहाका तन्नेरीहरुको  भीड अत्याधिक थियो। मन्दिरको मुल प्रवेश द्वार परिसरमा  स्थानीय तथा अन्य स्थानका मानिसहरूले थापेका पसलहरुले भरिभराउ थिए भने ब्यबस्थित पार्किङको स्थान अभाव छर्लङ्ग देखिन्थ्यो।ऋषेश्वर मन्दिरको बिकास समिती गठन नहुदा मन्दिरलाइ ब्यबस्थापन गर्न गार्‍हो भैरहेको स्पष्ट देख्न सकियको थियो ,यस्को लागि आगामी बर्ष बिस्तृत कार्ययोजना तयार गरि योजना निर्माण भैरहेको करुणाभुमी सामुदायिक बनका अध्यक्ष बिनोद लामाले जानकारी दिनुभयो। नेपालमा कोरोना संक्रमण घटे संगै भीडभाड हुने गतिविधिहरुले प्राथमिकता पाउन थालेको छ। भिडभाड नियन्त्रण तथा ट्राफिक समस्याकोको लागि ईलाका प्रहरी कार्यालयले सहजता गरेको थियो,इप्रका पालुङले जनाय अनुसार छिटफुट झगडा बाहेक अप्रिय घटना नघटेको बतायो।
त्यसै गरि दामनको शितल भ्यु टावर,फलामे भरेङ,पर्वतीय वनस्पति उद्यान र सेल्फी डाँडा  अवलोकन,भ्रमण गर्न आउने पर्यटकहरुको पनि घुइँचो थियो। यसरी ऋषेस्वर मन्दिर क्षेत्रमा विभिन्न समयमा लाग्ने मेला-पर्व र अन्य समयमा दर्शन गर्न आउने हिन्दु तथा बौद्ध  तिर्थयात्रीहरुका कारण पनि दामन,सिमभन्ज्याङ्का पर्यटन व्यवसायीहरु लाभान्वित हुने गरेका छन्। यदि यस प्रख्यात तिर्थ  क्षेत्रलाई धार्मिक पर्यटकिय क्षेत्रको रूपमा  प्रबर्द्धन गरि बाह्रै महिना पर्यटकहरुको आगमन हुने सुनिश्चित गर्न सरोकारवाला ले ध्यानाकर्षण गरेका छन।
सुरुका वर्षहरुमा दामनको एभरेष्ट युवा बिकास क्लबले त्यहाँ लाग्ने मेलाहरुको व्यवस्थापन गर्दै आएको थियो तर  २०७७ साल पछि भने  सिमभन्ज्याङ र दामन बजार व्यवस्थापन समितीलाई  सो कार्यको सम्पुर्ण जिम्मेवारी सुम्पिएको छ। एभरेष्ट युवा बिकास क्लबको बृहत आयोजनामा २०७५ सालदेखी ऋषेस्वर मन्दिर क्षेत्रमा बुद्ध जयन्तीको मेला लाग्ने प्रथाको पनि शुभारम्भ भएको छ। तेस्तै शिखरकोट बजार ब्यबस्थापन समितिले आयोजना गरेको प्रथम थाहा होलि महोत्सव ले पनि होलिमा रौनक थपेको थियो,शिखरकोट बजारमा भएको डिजे नेहाको साङ्गेतिक प्रस्तुतिमा युवाहरूको मस्ती देख्न सकिन्थ्यो ।