आज देशभर भारी बर्षा हुने सम्भावना
सतर्कता अपनाउन मौसम बिभागको आग्रह

२४ असार । आज बिहिबार देशका बिभिन्न स्थानमा भीषण वर्षा हुने मौसम बिभागले जनाएको छ । नेपालमा केहिदेखि कमजोर बनेको मनसुन हिजाेबाट पुन: सक्रिय भएकाे छ ।

बिहिबार दिउँसो देशभर सामान्य देखि पूर्ण बदली रहनेछ । भने प्रदेश  १, प्रदेश २, बागमती प्रदेश, गण्डकी प्रदेश र लुम्बिनी प्रदेशका धेरै स्थानहरुमा तथा कर्णाली र सुदूरपश्चिम  प्रदेशका थोरै स्थानहरुमा हल्का देखि मध्यम वर्षाको सम्भावना रहेको बिभागले जनाएको छ ।बिभागको अनुसार  प्रदेश १, प्रदेश २,  बाग्मती प्रदेश, गण्डकी प्रदेश र लुम्बिनी प्रदेशका केहि स्थानहरुमा  मेघ गर्जन/ चट्या-ङ्ग सहित भारी वर्षाको सम्भावना रहेको छ ।

बागमती प्रदेश, गण्डकी प्रदेश र लुम्बिनी प्रदेशका एक वा दुई स्थानहरुमा धेरै भारी वर्षाको पनि सम्भावना रहेकोले सबैमा सर्तक रहन माैसम विभागले आग्रह गरेको छ ।

बिभागले आज राति देशभर सामान्य देखि पूर्ण बदली रहनेछ । देशका धेरै स्थानहरुमा हल्का देखि मध्यम वर्षाको सम्भावना रहेको छ। लुम्बिनी, सुदुरपश्चिम प्रदेश र बागमती प्रदेशका थोरै स्थानहरुमा  मेघ गर्जन/ चट्याङ्ग सहित भारी वर्षाको सम्भावना रहेको छ  । सुदुर पश्चिम प्रदेशका एक वा दुई स्थानहरुमा धेरै भारी वर्षाको सम्भावना रहेको छ ।