अविरल बर्षाका कारण थाहानगरका भित्रि सडक अवरुद्

अविरल परेको बर्षाका कारण थाहानगरका भित्रि सडकहरु भत्कदा यातायात अवरुद्ध भएको छ ।

थाहाको २ नम्बर वडाबाट मुख्य सडक जोड्ने सडकको भुङ्दाल खोला, त्रिवेणीखोला, र संखमुल खोलाका सडक बगाउँदा सडक सम्पर्क बिच्छेद भएको फाटबजारबाट माधब कार्कीले जानकारी दिनुभयो  ।

तेस्तै थाहा ७ को देउराली चिसापानी देउखेल चल्ति सडक खण्डको ३ ठाउँमा पैरोले सडक अवरुद्ध भएको वडा अध्यक्ष सनमसिं मुक्तानले बताउनुभयो ।उहाँले पैरोको जोखिममा रहेका बासिन्दाहरुलाई सुरक्षित स्थानमा सर्न अनुरोध गर्नुभयो ।

लगातार आएको बर्षा र बाढिका कारण थाहा  ८ नम्बर वडाका सडकहरु भत्कदा यातायात संचालनमा कठिनाइ भएको थाहा ८ का वडा अध्यक्ष टीकाराम रुम्बाले बताउनुभयो ।

उहाँले दामगडे महादेवेसी सडक खण्डका धेरै ठाउँमा पैरोले सडक भत्काउदा उक्त सडक संचालन गर्न समय लाग्ने बताउनुभयो ।रुम्बाले बाढिले खेत बारीहरु समेत बगाएको बताउनुभयो ।

दामन डाडाबास सडक खण्डको भुङ्दालमा बाढिले सडक भत्काउदाँ साना सवारीसाधन मात्रै आवतजावत गर्न सक्ने अवस्था छ । भने सोहि सडकको घलेपाखा क्षेत्रमा ३ स्थानमा गएको पैरोका कारण सडक पुर्ण रुपमा दम्कि डाडाबास सडक अवरुद्ध भएको छ ।थाहा ११ का अध्यक्ष किरणमान बलले वडाका भित्री सडक हरुमा सामान्य क्षति भएको खोला तर्नुपर्ने खोलाहरुमा सडक बगाउँदा यातायात अवरुद्ध भएको बताउनुभयो ।
बिपतको समयमा सुरक्षित स्थानमा बस्न र कुनै समस्या आएमा वडा कार्यालयमा सम्पर्क राख्न अध्यक्ष बलले अनुरोध गर्नुभयो ।उहाँले वडा कार्यालय बिपतको समयमा आवश्यक पुर्व तयारीका सामग्री रहेको समेत बताउनुभयो ।

बर्षा र बाढीले थाहा नगरको भित्रि सडकहरुमा यातायात अवरुद्ध भएतापनि त्रिभुवन राजपथ भने संचालनमा रहेको इलाका प्रहरी कार्यालय पालुङले बताएको छ ।