अपाङ्ग सरोकार केन्द्र थाहा द्वारा,नगर स्तरीय अन्तरक्रिया सम्पन्न ।

थाहा नगरपालिकाको सहयोग तथा अपांग सरोकार केन्द्रको आयोजना नगर स्तरीय अन्तरक्रिया कार्यक्रम बिकास घर शिखरकोटमा सम्पन्न भएको छ।
अपाङ्ग सरोकार केन्द्र थाहा नगरपालिकाका अध्यक्ष मनलाल गोपालीको अध्यक्षतामा सम्पन्न कार्यक्रममा प्रमुख अतिथी नगर प्रमुख बिष्णु बिष्ट ,उपप्रमुख भरत गोपाली,थाहा नगरपालिका सामाजिक बिकास संयोजक दिनेश बल,वडा न १ का अध्यक्ष हेरमान गोपाली,२का बम बहादुर सिन्तान,३ का अध्यक्ष हिरेन्द्र रायमाझी ४ का नारायण लामा कार्यपालिका सदस्यहरु पबित्रा कार्की,चन्द्रमाया थिङ्ग,रितु कार्की,सामाजिक बिकास शाखा प्रमुख अनिल लामिछाने ,महिला बालबालिका जेष्ठ नागरिक तथा अपाङ्ग कार्ड बितरण शाखा प्रमुख प्रतिमा मोक्तान ,सामी प्रोजेक्टका सहजकर्ता मेलिना खत्री,थाहा नगरपालिका रोजगार संयोजक कुमार नेगी,लगायतका उपस्थिति रहेको कार्यक्रमलाई अपांग सरोकार मंच मकवानपुरका अध्यक्ष ठकुराम थापाले संचालन गर्नुभएको अन्तरक्रिया कार्यक्रम लाई दिप न्यौपानेले सहजीकरण गरेका थिय।
थाहा नगरपालिका भित्र रहेका अपाङ्गता भएका ब्यक्तिहरुको उपस्थित रहेको अन्तरक्रिया कार्यक्रममा अपाङ्गता हुने कारण ,वर्गीकरण तथा मान्यता सम्बन्धि जानकारी गराइयको थियो।
कार्यक्रममा अपाङ्गता निर्मुल गर्न नसकिने तर ब्यबस्थापन गर्न सकिने,अपाङ्गता शारीरिक अङ्गमा आएको बिचलन मात्र नभै ,सामाजिक अवरोधको परिणाम भएको हुदा ,अपाङ्ग भएको ब्यक्तीको सफलता र शुखद जिवनयापन गर्न गराउन समाज बाधक हुन नहुने गर्न गराउन नहुने तथा अपाङ्गता भएका ब्यक्तिहरुलाइ प्रयोग गरिने मर्यादित शब्दहरुको बारेमा जानकारी गराइएको थियो।
कार्यक्रम लाई सम्बोधन गर्दै नगरप्रमुख बिष्णु बिष्ट आदर्शले राज्यले दिने सेवा सुबिधा लाई निरन्तरता दिदै शारीरिक अपाङ्गता भएका ब्यक्तिलाइ आत्मनिर्भरता बनाउन,शिपमुलक  कार्यक्रमहरु नीति तथा कार्यक्रम मा स्थान दिने प्रतिबद्धता ब्यक्त गर्नुभयो।कार्यक्रममा नगरभित्रका अपाङ्गता भएका ब्यक्तिहरुको उल्लेख्य सहभागिता रहेको थियो।कार्यक्रममा सहभागीहरुले अपाङ्गता भएका ब्यक्तिहरुको गुनासो नीति तथा कार्यक्रममा राखी शिपमुलक,आयमुलक तालिम तथा सामाग्री प्रदान गर्न नगरपालीका समक्ष माग राखेका थिय।