अपाङ्गता भयकाहरुको लागि प्रदेश सरकारले थप कार्यक्रम ल्याउने :- मन्त्री कुमारी मोक्तान

बागमती प्रदेश सामाजिक विकास मन्त्री कुमारी मोक्तानले अपाङ्गता भएकाहरुको लागि थप कार्यक्रमको लागि प्रदेश सरकारले यो बर्ष चौगुणा बजेट बिनियोजन गरेको बताउनुभएको छ।
थाहा नगरपालिकामा १० असारमा आयोजित अपाङ्गता भएकाहरुको लागि सहायक सामाग्री तथा छात्रवृत्ति बितरण कार्यक्रमलाई सम्बोधन गर्दै मन्त्री मोक्तानले उक्त कुरा बताएका हुन।
मन्त्री मोक्तानले समुदायमा आधारित सिबिआर कार्यक्रमलाई निरन्तरता दिदै आगामी बर्षको बजेटमा अपाङ्गता भएकाहरुको लागि सीप विकास र स्वरोजगार मुलक कार्यक्रम कार्यक्रमका साथै फरक क्षमता भएकाहरुको निम्ति उद्यमशिलतामा परिणत गर्दै बीउ पुजीको समेतको कार्यक्रम हरु बजेटमा समाबेश गरेको बताउनुभयो। साथै वहाँले अपाङ्गता भएका व्यक्तिहरूलाई परनिर्भरता बनाउनुभन्दा उनिहरुसंग भएको सीप र क्षमतालाई सदुपयोग गरि व्यावसायिक बनाउने कार्यक्रम रहेको र यस्को लागि प्रदेश सरकारले स्थानीय तह र अपाङ्गताको क्षेत्रमा काम गर्ने संस्थाहरु संग सहकार्य गरेर अगाडि बढ्ने बताउनुभयो।
कार्यक्रममा बागमती प्रदेश सामाजिक बिकास मन्त्रालयका सचिव बद्रीनाथ गैरेले पछिल्लो समयमा मुलुकले पछाडी परेका अपाङ्गता भएका समुदायलाई राज्यको मुल धारमा ल्याउन संविधानमा नै व्यवस्था भएपछी सरकारले बिशेष ध्यान दिरहेको बताउनुभयो।
थाहा नगरपालिकाका प्रमुख बिष्णु बहादुर बिष्टले अपाङ्गता भएकाहरुको सीप र क्षमता विकासको लागि थाहा नगरपालिकाको १६ औ नगरसभा बाट नीति तथा कार्यक्रममा नै समाबेश गरेको बताउदै स्थानीय सरकार अपाङ्ग सरोकारको बिषयमा गम्भीर रहेको बताउनुभयो।
अपाङ्ग सरोकार केन्द्र  मकवानपुर र थाहा नगरपालिकाको आयोजना तथा स्थानीय अपाङ्ग समन्वय समितिको सहकार्यमा भएको कार्यक्रममा नगरपालिका भित्र रहेका ४५ जना विद्यार्थी लाई शैक्षिक सामाग्री तथा थाहा ४ का बिष्णु भुजेल,थाहा १ का गणेशमान श्रेष्ठ,थाहा ११ का राजकुमार स्याङ्तान लाई कृतिम खुट्टा तथा थाहा ११ का आरुशी लो र बिजय थिङलाई कृतिम हात प्रदान गरिएको थियो।
थाहा नगरपालिकाका प्रमुख बिष्णु बिष्टको अध्यक्षतामा सम्पन्न कार्यक्रममा प्रदेश सामाजिक बिकास मन्त्री कुमारी मोक्तानको प्रमुख आतिथ्यता रहेको थियो भने कार्यक्रममा सामाजिक विकास मन्त्रालयका सचीव बद्रीनाथ गैरे,थाहा नगरपालिकाका प्रमुख प्रशासकिय अधिकृत कृष्ण गिरी,थाहा ३ का अध्यक्ष हिरेन्द्र कुमार रायमाझी,कार्यपालिका सदस्य पवित्रा सिंह ठकुरी,अनिता बल,शिक्षा शाखा प्रमुख माधव बिक्रम मल्ल,अपाङ्ग सरोकार केन्द्रका जिल्ला अध्यक्ष गणेश चन्द्र दवाडी,उपाध्यक्ष दिल बहादुर स्याङ्बो,अपाङ्ग सरोकार समिती थाहाका संयोजक मनलाल गोपाली,महिला बालबालिका तथा अपाङ्ग शाखा प्रमुख प्रतिमा मोक्तान,सामाजिक बिकास शाखा प्रमुख अनिल लामिछाने लगायतका उपस्थिति रहेको थियो।
थाहा नगरपालिकाका रोजगार संयोजक कुमार नेगिले संचालन गर्नुभएको कार्यक्रम लाई थाहा नगरका प्रमुख प्रशासकीय अधिकृत कृष्ण गिरीले स्वागत गरेका थिए।