अंगारेका कार्की परिवार द्वारा इन्द्रायणी मन्दिरमा सिंहको मुर्ती प्रतिष्ठा

बाजे गम्भीर सिंह कार्कीका जसि मन्त र शिवहरी का सन्तान थाहा २ अंगारेका माधव कार्की,राजेन्द्र कार्की,किरण कार्की,रामहरि कार्की,र सुधर कार्कीका परिवार र कुशल शर्मा सहित थाहा नगरपालिकाको सक्तिपिठको रुपमा रहेको इन्द्रायणी माइको मन्दिरमा इन्द्रायणीको बहान सिंहको १२० किलो २ फिट अग्लो शिलाको मुर्ती प्रतिस्थापन गरेका छन।
सनिवार बिहान पुजाआजा सहित बहानको मुर्तिको प्राण प्रस्तिस्थान गरिएको हो।

इन्द्रायणी माइको वाहकका रूपमा राखिएको सिंहको मूर्ति मन्दिरको दायाँतर्फ भाले र बायाँतर्फ पोथी सिंहका रूपमा प्रतिस्थापन गरिएको हो।

इन्द्रायणी देवीको मुर्ती संगै दायाँबायाँ २ वटा सिंहको शिला मुर्ती लाई मन्दिरका पुजारी सम्पुर्ण श्रेष्ठ,पंडित रामप्रसाद ढकाल र कार्की परिवारले संयुक्त रुपमा विधि बिधान सहित पुजा गरेर प्रतिष्ठान गरेका हुन।

मुर्ति प्रतिष्ठान गरेका थाहा २ अंगारेका युवा व्यावसायी माधव कार्कीले मन्दिरको माथिल्लो भागमा रहेको २० मिटरको ढुंगाको नागको आकृतीलाई पनि धातुको बनाइ हाल्ने प्रतिवद्द्ता व्यक्त गरेका छन।
उनले मन्दिर अगाडि हात्तिको मुर्ती र धातुको नाग हाल्ने बताए।
कार्की परिवारको उक्त कार्यप्रती इन्द्रायणी भैरव गुठिले सराहनीय कार्य भन्दै सगुन र बाजा सहित सम्मान गरेको थियो।
कार्यक्रममा इन्द्रायणी काला भैरव गुठिका अध्यक्ष श्यामभक्त श्रेष्ठ,निरोज प्रधान,शम्भु सिं नापित,मधुकर बिक्रम श्रेष्ठ लगायत थाहा २ अंगारेका कार्की परिवारको उपस्तिथि रहेको थियो।