महालक्ष्मी बैंकले निर्माण गरेको प्रतिक्षालय उद्घाटन 

महालक्ष्मी विकास बैंक पालुङ शाखाले थाहा नगरपालिका –२ पालुङमा निर्माण गरेको प्रतिक्षालयको सोमबार एक समारोहबीच उद्घाटन गरिएको छ । 
थाहा नगरपालिकाका प्रमुख लवशेर विष्टले बोर्ड अनावरण गरी प्रतिक्षालय उद्घाटन गर्नुभएको हो । उद्घटनको क्रममा बोल्दै कार्यक्रमका प्रमुख अतिथि विष्टले बैंकले नाफा मात्र हैन सामाजिक काम पनि गर्छ भन्ने उदाहरण प्रस्तुत गरेको बताउनुभयो । समग्र क्षेत्रबाट एकीकृत रुपमा अभियान थाले विकास सहज हुनेमा उहाँको जोड रहेको थियो ।
 महालक्ष्मी विकास बैंक पालुङ शाखा प्रमुख संगिता बज्राचार्यको सभाध्यक्षतामा भएको कार्यक्रममा २ नं. वडाका वडा अध्यक्ष गुप्त बहादुर कार्की, नगर कार्यपालिका सदस्य जानुका ढकाल, नेपाल रेडक्रस सासाइटी पालुङ शाखाका सचिब ज्ञानेश्वर ढकाल, सामुदायिक भवन व्यवस्थापन समितिका अध्यक्ष सीताराम ढकाललगायतले मन्तव्य व्यक्त गरेका थिए । 
बैंकका कर्मचारी शरद हमालले स्वागत गरेके कार्यक्रममा थाहा नगरपालिका–२ का वडा सदस्यहरु, पाण्डुकेश्वर क्षेत्र विकास समितिका अध्यक्ष जनक हमाल, स्थानीय संघसंस्थाका पदाअधिकारीहरु, संचारकर्मी सहभागिता रहेको थियो । उद्घाटनसँगै उक्त प्रतिक्षालय थाहा नगरपालिका २ नम्बर वडा कार्यालयलाई हस्तान्तरण गरिएको छ । हस्तान्तरणपछि अब प्रतिक्षालयको संरक्षण तथा व्यवस्थापन वडा कार्यालयले गर्नेछ ।