उत्तरी क्षेत्रको पर्यटनको आधार,चन्द्रागिरि कुन्छाल मार्ग:  अर्थ राज्यमन्त्रि राणा

मकवानपुरको उत्तरी क्षेत्रको पर्यटकिय संभावना भएको थाहा नगरको विकासको लागि चन्द्रागिरी कुन्छाल कुलेखानी मार्ग महत्वपूर्ण रहेको र अर्थ मन्त्रालय मार्फत ती मार्गहरुको विकासको लागि अर्थ मन्त्रालयले पहल गर्ने अर्थ राज्यमन्त्री उदय समशेर राणाले बताउनु   भयो । 

प्यासिफिक बचत तथा ऋण सहकारी संस्थको सातौं वार्षिक साधारण सभाको  उद्घाटन समाहरोहको अवसरमा उद्घाटन कार्यक्रममा सहभागी हुदै नेपालमा ४० प्रतिसत जनताले वित्तिय सुविधा सहकारी मार्फनै पाईरहेकोले जनताको वित्तिय कारोबारको माध्यम सहकारी मार्फत अझ सहज पार्न सहकारी ऐन तत्काल लागू गर्न संसदमा पेश हुने कुरा बताउनु भयो । 

कार्यक्रममा पूर्व गृह राज्यमन्त्रि ईन्द्र बहादुर बाँनिया, पूर्व जलश्रोत मन्त्रि महालक्ष्मी अर्याल    (डिना) जिल्ला बचत तथा ऋण सहकारी संघका संचालक पार्वति राणा, थाहा नगरपालिकाका उप प्रमुख खड्ग गोपाली, राजनैतिक दल तथा संघ संस्थाको प्रमुखहरुको उपस्थिति रहेको उक्त कार्यक्रम प्यासिफिक बचत तथा ऋण सहकारी संस्थाका अध्यक्ष राजेन्द्र विडारीको सभाध्यक्षतामा भएको थियो । 
संस्थाले यस आ.व.मा रु. २१,१०, ४७५ खुद मूनाफा आर्जन गरेको छ । १४६५ जना सदस्यहरुको रु. २१८०६६००। शेयर पूँजि रहेको छ । सातौं वार्षिक साधारण सभाको अवसरमा संस्थाले उत्कृष्ट बचतकर्ता, उत्कृष्ट ऋणी, जेष्ठ नागरिक सम्मान र आफ्ना शेयर सदस्यको २ जना बालबालिकालाई नगर र प्रमाण–पत्रले सम्मान गरेको थियो ।