वैदेशिक रोजगारीले निम्तायको सामाजिक असर न्यूनीकरण बारे अन्तरक्रिया सम्पन्न ।

स्वदेशमै रोजगारी गरौं,वैदेशिक रोजगारीमा जानेनै भए सहि सुचना लियर र सीप सिकेर मात्र जाऔं " भन्ने मुल नाराका साथ सुरक्षित आप्रबाशन(सामी)परियोजना द्वारा आयोजित वैदेशिक रोजगारीले निम्तायको सामाजिक असर न्यूनीकरण सम्बन्धि एकदिने अन्तरक्रिया कार्यक्रम थानाबजारको गङ्गा होटलमा सम्पन्न भएको छ।
एकीकृत ग्रामीण बिकास केन्द्र मकवानपुरका सचिव मिनराज पौडेलको अध्यक्षतामा सम्पन्न अन्तरक्रिया कार्यक्रममा थाहा नगरपालिकाका उपप्रमुख भरत गोपाली,वडा न २ का वडा सदस्य युवराज बिष्ट ,वडा न ३ का सदस्य सबिता सुनार,कार्यपालिका सदस्य पबित्रा कार्की ,इप्रका पालुङ्गका प्रमुख दुर्गा खनाल,पालुङ्ग बहुउद्देश्यीय सहकारी संस्थाका मुख्य ब्यबस्थापक प्रकाश पौडेल लगायतका नगरभित्रका संघ संस्थाका प्रतिनिधि,थाहा नगरपालिकाका विषयगत शाखा प्रमुखहरु,महिला स्वास्थ स्वयंसेवकिका,लगायत वैदेशिक रोजगारीमा रहेका परिवारहरुको उपस्थिती रहेको थियो।
अन्तरक्रिया कार्यक्रममा सहजकर्ताहरुले वैदेशिक रोजगारले निम्ताएको सामाजिक असर तथा भेदभाव तथा न्यूनीकरणको उपाय ,वैदेशिक रोजगारीले निम्तायको पारिवारिक कलह,बिखण्डन,लगायतका समस्या तथा वैदेशिक रोजगारीले ल्याएको सकारात्मक परिवर्तन र तेसलाइ बदल्न मनोसामाजिक परामर्शको बारेमा सहभागी हरुलाइ जानकारी गराइएको थियो।
अन्तरक्रिया कार्यक्रमलाई सामी मकवानपुर जिल्ला संयोजक अन्जिता थापा मगर,सहजकर्ता मनोपरामर्शदाता बिष्णु वाइवा,बित्तिय साक्षरकर्ता प्रबिणा अर्याल,शुभराज लामा ले विभिन्न विषयमा सहजीकरण गरेका थिय भने सहभागीहरुले पनि आआफ्नो गुनासा तथा समस्या राखेका थिय।
कार्यक्रम लाई नेपाल सरकार श्रम तथा रोजगार सामाजिक सुरक्षा मन्त्रालय ,स्विस सरकार बिकास सहयोग(एसडिसी),थाहा नगरपालिका ,हेलमटास नेपाल र सामिको सहयोग रहेको छ।