वाम - लोकतान्त्रिक गठबन्धन थाहा नगरको शिर्ष नेताहरुको बैठक सम्पन्न ।

सत्तारुढ गठबन्धन दलहरुको थाहा नगरपालिका स्तरीय वाम लोकतान्त्रिक गठबन्धनको बैठक सम्पन्न भएको छ। मङ्सिर ४ गते हुन गइरहेको आम निर्वाचन लाई मध्यनजर गर्दै बाम लोकतान्त्रिक गठबन्धनका साझा उमेदवार हरुलाई अत्यधिक मत सहित बिजयी बनाउन विभिन्न कार्यक्रमको आयोजना गर्नको लागि बैठक गरियको बैठकमा सहभागी नेपाली काङ्ग्रेसका थाहा नगर सभापति प्रमोदकृष्ण जोशीले जानकारी दिनुभयो । बैठकले कार्तिक ६ गते पालुङ जेसिजको सभाहलमा हुने गठबन्धन दलहरुको भेला लाई भव्य बनाउने निर्णय गर्दै थाहा नगरपालिका स्तरिय अगुवा कार्यकर्ता हरुलाई परिचालन गर्दै पालिकामा खटाउने निर्णय गर्दै उमेदवार परिचयात्मक कार्यक्रम गर्ने निर्णय गरेको छ। साथै बैठकले भेला सफल बनाउन विभिन्न कार्य बिभाजन समेत गरेको छ। बैठकमा नेपाली काङ्ग्रेसका नगर सभापति प्रमोद कृष्ण जोशी ,माओवादी केन्द्रका नगर अध्यक्ष बिनोद कुमार लामा ,एकीकृत समाजवादीका नगर अध्यक्ष सानुकाजी गोपाली,राष्ट्रिय जनमोर्चाका नगर अध्यक्ष दिनेश बिष्ट ,माओवादी केन्द्र बागमती प्रदेश सदस्य इन्द्र बहादुर श्रेष्ठ ,एकीकृत समाजवादीका जिल्ला समन्वय समिति सदस्य ईश्वर लाल रुम्बा,युवा संघ जिल्ला सदस्य शुदर्शन बिडारी ,लगायतका उपस्तिथि रहेको थियो।